د بین الافغاني خبرو نامعلوم برخلیک؛ حکومت وايي، کمانډو سرتیري دې راخوشې کړي

راپور: بشر درویش

د افغانستان د اسلامي جمهوریت حکومت او طالبان د یو بل د بندیانو د خوشې کول د سولې خبرو د پيل لپاره اساسي شرط بولي.
افغان رسنیو د ولسمشر غني له قوله ویلي چې د سولې خبرو د پيل لپاره یو اساسي شرط د افغان ځانګړو ځواکونو د ۲۰ هغو سرتیرو خوشې کول دي چې له طالبانو سره په بند کې دي.
همداراز د ولسمشر غني مرستیال ویاند دوا خان مینه پال وايي، د حکومت دا شرط باید پوره او له طالبانو سره بند کې پاتې د افغان سرتیرو بندیان باید خوشې شي.
بلو پلو د ذبیح لله مجاهد په نامه د طالبانو یوه ویاند ویلي چې دوی هم هغه پورې خبرې نه پیلوي چې بندیان یې نه وي خوشې شوي.
دا په داسې حال کې ده چې د افغانستان د بهرنیو چارو وزارت وزیر حنیف اتمر هیله څرګندې کړې چې راتلونکې اونۍ به بین الافغاني خبرې پیل شي. هغه ویلي چې هر ډول خنډونه ختم دي او باید خبرې شروع شي.
په عین حال کې د افغانستان د ملي مصالحې عالي شورا مشر عبدالله عبدالله هم ویلي ول چې راتلونکې اونۍ به د حکومت او طالبانو خبرې پیل شي. خو د طالبانو د خبرو د پلاوي مشر عباس ستانکزي ویلي چې راتلونکې میاشت د خبرو د پيل په اړه کوم پلان نشته.

Be the first to comment

Leave a Reply

Your email address will not be published.







سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ