مارچ 8, 2021

ستراتیژیک ملګری؛ افغانستان کې د هند سفیر مخه ښه وکړه

Advertisements
خبر: بشر درویش

په افغانستان کې د هند د سفیر دنده پای ته ورسیده او مخه ښه یې وکړه.
افغان ولسمشرۍ ماڼۍ په دې اړه یوه خپره کړې خبرپاڼه کې ویلي چې ولسمشر اشرف غني تیر ماښام د افغانستان لپاره د هند سفیر وینې کمار سره د مخه ښې کتنه وکړه.
په دغه کتنه کې چې په ارګ کې وشوه، د هند سفیر د دوه اړخیزو اړیکو د پراختیا په برخه کې د جمهوررئیس  او افغانستان حکومت د همکاریو مننه وکړه او د پرمختللي افغانستان او ولسواک نظام د ملاتړ لپاره یې د هند هڅې یادې کړې.

ولسمشرۍ ماڼۍ ویلي چې ښاغلي غني له وینې کمار څخه په افغانستان کې د بریالي ماموریت او د افغانستان او هند تر منځ د مناسباتو د پراختیا او پیاوړتیا په برخه کې د نوموړي د هڅو قدرداني وکړه او وې ویل، په هره برخه کې د هند مرسته له افغانستان سره د دغه هیواد د دوستانه او ژورو اړیکو ښکارندویي کوي.
سرچینې ویلي؛ نوموړي د افغانستان په ټاکنو او د جمهورریت له ارزښتونو څخه د هند د اصولي دریځ د مننې پر مهال، د ثبات، اقتصادي همکاریو او سیمه ییز اتصال په خاطر د دواړو هیوادونو د هڅو یادونه هم وکړه.
وینې کمار له تیرو څو کلونو راهیسې په افغانستان کې د هند لوی سفیر و.
باید وویل شي چې هند د افغانستان له نیږدې دوستانو یادیږي چې وخت نا وخت په بیلابیلو برخو کې د مرستو ترڅنګ تل له افغانستان سره د د همکاریو ډاډ ورکوي.
هند افغانستان کې د سلما برښنا بند، د پارلمانۍ ودانۍ، افغان پوځ د جنګي الوتکو ترڅنګ په بیلابیلو برخو کې مرستې کړي دي.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




برنارد شاو: هوښيارې مېرمنې واده نه کوي!

لیکوال: حنیفه مومند ، کابل - برخه : روانې سلامتي

Advertisements له برنارد شاو څخه پوښتنه وشوه! آيا هوښيارې مېرمنې د خپل خاوند لپاره ښې مېرمنې کېداى شي؟ برنارد له ځنډ وروسته وويل: هوښيارې مېرمنې هېڅکله واده نه کوي. د برنارد شاو هدف له واده ... نور ولولئ