ټولنیز ژوند خوندیتوب د ماشوم نړۍ ژوند بڼه کلتور او هنر نړۍ

په هند کې د نوې زېږېدلې نجلۍ بې رحمانه وژنه

راپور: نسیمه محمدي

د هندي پولیسو په وینا، د یوې دوه ورځنۍ نوزېږدي ماشومې جسد، چې د غوښې پېچ ته ورته وسیلې سره سل ضربې خوړلې وې، د یو معبد تر څنګ وموندل شو.

د بوپال ښار کې پولیسو د سپټمبر په ۲۴مه د دغه نوې زېږېدلې نجلۍ جسد چې بدن یې سوری سوری شوی وو، لیدلی وو او د قتل په اړه څېړنې پیل کړې.

د دغه قضیې سره لیدل کېږي، چې دا درېیمه د قتل پېښه ده چې په په دوو اونیو کې د بوپال ښار مرکز، مادیا پرادش کې تر سره کېږي.

وروسته له هغې چې خلکو د نجلۍ جسد وموند، د پولیسو مامورین په سیمه کې څرګند شول. دغه ماشومې چې لا یې هویت څرګند نه دی، په یوه شال کې پېچل شوې او د معبد ترڅنګ پرېښودل شوې وه.

پولیسو لومړیو کې داسې انګېرل چې نجلۍ ژوندۍ پرېښودل شوې او وروسته د شپې په جریان کې د ځناورو له خوا داړل شوې ده، خو د هند د ټایمز ورځپاڼې بشپړ راپور اعلان کړې چې نوموړې څو ځلې د نوک تېزه وسیلې سره وهل شوې ده.

رنو موراب، د مادیا پرادش یو پلټونکي پولیس وويل:

“پولیسو جسد د معایناتو لپاره ولېږه او د سه شنبه په ورځ اعلان شوه، چې ماشومه څو ځلي د نوک تېزه وسیلې سره نس او ملا کې ضربې خوړلي دي.”

دغه ورځپاڼې زیاته کړه، چې پولیسو د څېړنو په لړ کې د پټو کمرو په وسیله اخیستل شوي انځورونه پلټلي او اوس په دې اند دي چې ماشوم د وژل کېدلو او غورځولو وړاندې، په کور کې زېږېدلې وه.

څو ورځې وړاندې بوپالي پولیسو یوه پنځه ویشت کلنه مېرمن د خپلې یوې میاشتنۍ لور د قتل په تور مجرمه وپېژندله. د دغه نوې زېږېدلې نجلۍ جسد د خاجوري سیمه کې د اوبو په بُشکه کې وموندل شو.

پولیسو وویل، چې دغه مېرمن د لور په زېږېدلو خوښه نه وه او غوښتل یې، چې زوی ولري.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ