اقتصاد رسنۍ سیاست نړۍ

عمران خان: زموږ د اقتصاد راتلونکی په چین پوري تړلی دی

خبریال: فضل الله فضلي

د پاکستان لومړي وزیر عمران خان د الجزيرې تلوېزیوني شبکې سره په یو تازه مرکه کي ویلي چي د پاکستان اقتصادي راتلونکی نور په چین پوري تړلی دئ.

نوموړي ویلي:

 د پاکستان مبارزه دوام لري او زه نه غواړم، چي هیوادوال مو مخ پر کښته ولاړ سي.

عمران خان تېره پنچ شنبه د یادي شبکې سره په خبرو کي زیاته کړه، چي موږ په یوه نوي جوړښت سره روان یو او مبارزه مو پیل کړې ده، چي د یو نوي پلان له مخي اقتصاد پیاوړی کړو.

Hit In Pakistan | No Corruption At Top Level During His Two-Year Tenure  Says Imran Khan!

پاکستان د کرونا ویروس په راتګ سره د خورا سختو مالي ننګونو او اقتصادي رکود سره مخ سو، خو بیا یې هم وکولای سول چي د ویروس د خپراوي په جریان کي حالت کنټرول وساتي.

د پاکستان وګړي د عمران خان څخه ډېر نا خوښه دي او د اکثرو رسنیو سره د خبرو پر مهال عمران خان غندي او وايي چي عمران خان پاکستان چپه کړ.

پاکستان اوس مهال په مجموعي ډول د نړۍ  د ځینو شتمن هیوادونو، د نړیوال بانک او د پیسو د نړیوال صندوق څخه تر ۱۱۱ بېلیونو ډالرو ډېر پور لاندي دئ.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ