هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
روغه سټه

د ويښتو پالنې په اړه څلور پوښتنې چې باید په ځواب یې پوه شئ

موږ د ويښتو لپاره شامپوګانې کاروو، بیا بیا یې وینځو، بېلابېل ويښته نرموونکي کاروو او همدارنګه د ويښتانو د غوړولو لپاره له بېلابیلو تیلو نه استفاده کوو.

خو د هر چاد سر ويښته او کوپړۍ عموما درې بڼې لري. وچ ( خشک)، غوړ او نورمال. همدې ته په کتنې د هر چا د ويښتو لپاره ځانګړې شامپوګانې، او د وینځلو او غوړولو لپاره بیلابیل وختونه پکار دي.

که غواړئ ښه ویښته ولرئ، نو لږ تر لږه باید د خپلو ويښتو په اړه د لاندې څلورو پوښتنو په ځواب پوه شئ.

کومه شامپو وکاروم؟

هغه تجارتي شامپوګانې چې په بازار کې موندل کیږي ټولې د ويښتو د پاکولو لپاره تقریبا یو ډول اساس لري. خو تاسو په کې داسې شامپو انتخاب کړئ چې ستاسو د ويښتو د بڼې سره برابره وي.

لکه مخکې مو چې وویل د سر ويښته او کوپړۍ عموما درې بڼې لري. وچ ( خشک)، غوړ او نورمال.

که چیرې تاسو لومړۍ په دې پوه شئ چې ويښته مو له دې درې بڼو کومه بڼه لري نو د شامپو اخیستلو پر مهال ښه انتخاب کولی شئ. ځکه ځینې شامپوګانې د وچو ويښتو، ځینې د غوړو ويښتو او ځینې هم د نورمالو ويښتو لپاره وي.

بازار کې یې پر پلورل کیدونکو شامپوګانو نورې ځانګړنې هم لیکلي وي، خو ستاسو لپاره د ويښتو او سر د کوپړۍ له دې درې ځانګړنو د یو انتخاب ډیر مهم دی.

څومره وخت وروسته ويښته ووینځم؟

په شامپو د سر وینځل هم ستاسو د ويښتو په بڼې پورې ډیر تړلي دي.

که کوپړۍ مو وچه او خشکه وي، نو د اونۍ یو یا دوه ځلې په شامپو د ويښتو وینځل کفایت کوي.

که ويښته او کوپړۍ مو غوړه وي، بیا نو هره ورځ یا هم یوه ورځ بعد پر شامپو د ويښتو وینځل ښه پایله لري. ځکه غوړ ويښته ګردونه، دوړې او په چاپیریال کې الوتونکي ککړتیاوي جذبوي او زر زر وینځل یې مهم دي.

که نورمال ويښته لرئ ، په اونۍ کې یې دوه ځلې په شامپو سره وینځل پکار دي او ښه پایله ورکوي.

ایا هر وخت کنډیشنر یا د ويښتو نرموونکی وکاروم؟

د ويښتو نرموونکی یا کنډیشنر له ويښتو چاپیره تور پوخ چې له مړو حجرو جوړ شوی نرموي. له دې سره ويښته لا نور پستیږي او د ښه تنظیم وړ ګرځي . همدارنګه یې د ماتیدو او رژیدو خطر کمیږي.

جلدي متخصصان سپارښتنه کوي چې د همدې ښیګڼې لپاره د ويښتو د نرموونکي کارولو په ځانګړې توګه که وچ ويښتان ولرئ ښه دي.

خو یاد لرئ چې د ويښتو نرمونکی یا کنډیشنر یوازې پر ويښتو ووهئ او هڅه مه کوئ چې د ويښتو بیخ او کوپړۍ ته ورسیږي.

ایا ويښته هره ورځ غوړ کړم؟

افغانان د ويښتو له غوړولو سره مینه لري. په طبیعي تیلو د ويښتو غوړول د کنډیشنر یا د ويښتو د نرمونکي په توګه عمل کوي. چې ورسره ويښته لا ښه ږمنځیږي، ښه تنظیمیږي او د ماتیدو او رژیدو شمیر یې کمیږي.

په تودو طبیعي تیلو تر وینځلو یو یا دوه ساعته مخکې د ويښتو او کوپړۍ مساج یا مږل ډیره ښه ګټه لري.

جلدي متخصصان وايي، دا ډیره ښه نه ده چې ويښته د شپې له خوا همداسې غوړ پرېښودل شي او یا د ورځې له غوړو ويښتو سره څوک وګرځي، ځکه که ويښته د ډیر وخت لپاره غوړ وي، په اسانۍ په چاپیریال کې شته ککړتیا راکاږي او په اوږدمهالې توګه د چاپیریال ککړتیا چې د ذهرجنو ګازونو شتون هم په کې دی، د ويښتو د توییدو او خرابیدو سبب کیږي.

یاران کې نورې لیکنې

د حزب اسلامي په اړه اشتباه مه كوئ ـ حقپال
د نړۍ پنځه پیاوړې ښځې
« خیال» او که « فکر»؟
۷ شیان چې له ویده کیدو مخکې یې هیڅکله مه خورئ
تر وخت مخکې د ويښتو د سپینیدو سببونه
د مخ د پوستکي د تازه ګۍ او ځلا لپاره پنځه خواړه
ويښته مو تویږي ! څنګه یې مخه نیولی شئ؟
که ږیره مو خارښت کوي

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */