سپورټ کرکټ وزش او تمرین

د کرکټ نړیوالې شورا په پښتو ژبه پوسټ کړی

لیکنه: محمدصابر حمیدي

پرون د شپږیزه کرکټ لیګ اووم پړاو پایلوبه د کابل بازانو او میس‌عینک لوبډلو ترمنځ ترسره شوه، چې پکې کابل بازانو لوبډلې په ۹ منډو توپير بریا خپله کړه.

د پایلوبې لنډ حال

د لوبې پچه میس‌‌عینک لوبډلې وګټله او لومړی یې د توپ‌اچونې پرېکړه وکړه. کابل بازانو د ټولو لوبغاړو په سوځېدو سره میس‌عینک لوبډلې ته د ۱۴۰ منډو هدف وټاکی. د کابل بازانو لپاره یونس احمدزي ۳۶، سمیع‌الله شینواري ۳۲ او ننګیالي خروټي بیا ۲۱ منډې وکړې.

د میس‌عینک لپاره دولت ځدران درې، شاپور ځدران او نوراحمد لکڼوال بیا دوې ـ دوې ویکټې واخیستلې. کله چې میس‌عینک لوبډله د هدف پوره کولو لپاره میدان ته کښته شوه، نو ورکړل شوی هدف یې نه کړ پوره او په ۹ منډو توپير یې ماته وخوړه. د میس‌عینک لپاره غمي ځدران ۴۰، شاهدالله کمال ۲۶، دولت ځدران ۱۴ او حشمت‌الله شهیدي بیا ۱۳ منډې جوړې کړې.

د کابل بازانو لوبډلې ته نجات مسعود او ننګیالي خروټي دوې ـ دوې، حسیب‌الله، عظمت‌الله عمرزي او ضیا‌ءالرحمن یوه ـ یوه ویکټه واخیستله.

په دې سره د شپږیزه کرکټ لیګ اووم پړاو سیالیو اتلولي کابل بازانو لوبډلې خپله کړه.

له هغه وروسته، چې کابل بازان لوبډله بریا ته ورسېده، د کابل بازانو لوبډلمشر رحمن الله ګربز په یوه ویډيويي پيغام کې خوښي وښودله، چې د ځوانو لوبغاړو په مټ یې د اووم پړاو شپږیزه کرکټ لیګ اتلولي خپله کړه.

دا ویډیو د کرکټ نړیوالي شورا پر خپلې رسمې فیسبوک او ټویټر پاڼې خپره کړې او په پښتو ژبه یې ورسره لیکنه خپره کړې ده.

د کرکټ نړیوالي شورا له له لوري په پښتو ژبه خپور شوی پوسټ په هیواد دننه زیاته اندازه خپور شوی او د یادې شورا څخه یې ځانګړې مننې کړې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ