افغانستان سپورټ

د جوجیتسو نړیواله درجه بندي؛ افغان لوبغاړی بیا هم لومړي مقام کې راغلی!

د افغانستان د جوجیتسو تکړه لوبغاړی حسین بخش صفري د جوجیتسو په نړیواله درجه بندي کې سږنی کال هم په لومړي مقام کې راغلی.

د راپورونو له مخې د جوجیتسو نړیوال فدراسیون د جوجیتسو لوبغاړو ترمنځ نړیواله درجه بندي خپره کړه، چې پکښې افغان لوبغاړی حسین بخش صفري یو ځلې بیا لومړی ځای خپل کړی.

د جوجیتسو یاد نړیوال فدراسیون د فول کانتکت په رشته کې د ازادې مبارزې افغان لوبغاړې ته ۲۰۰ نمرې ورکړې.

ښاغلي صفري د جوجیتسو په تیرو اسیايي سیالیو کې، چې د مغولستان هیواد په کوربتوب ترسره شوې، د جوجیتسو لوبو په فول کانتکت رشته کې د سرو زرو مډال وګاټه.

صفري نن سې شنبه پر خپلې رسمې فیسبوک پاڼې یو ځلې بیا په لومړي مقام ګټلو سره خوښې څرګنده کړې ده.

هغه لیکلي:

«خوشحاله یم او افتخار کوم، چې د جوجیتسو نړیوال فدراسیون له لوري په خپره شوې درجه بندي کې یو ځلې بیا ما لومړی مقام خپل کړی دی.»

حسین بخش صفري په تېر ۲۰۱۹م کال کې هم د جوجیتسو نړیوال فدراسیون له لورې په خپره شوې درجه بندي کې لومړی مقام خپل کړی وو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ