د آی پي اېل په تاریخ کې هیټریکونه

سټار سپورټس په نامه چېنل د آی پي اېل په ۱۳ پړاوونو کې د هیټریکونو د ترسره کولو په اړه معلومات راټول کړي دي، خو په دې هیټرېکونو کې د ۲۰۱۵، ۲۰۱۸ او ۲۰۲۰ هیټریکونه نه دي جمع شوي.

۲۰۰۸ کې هیټریکونه

لکشمیپاتي بالاجي، امېت مېشرا او مکایا اېن ټیني په دې کال کې هیټریکونه کړي دي.

دا د آی پي اېل لومړی پړاو و، چې د هندوستان چټک بالر بالاجي پکې د پنجاب لوبډلې پر وړاندې درې وېکټې واخېستې.

دویم هیټریک د ډیلي لوبډلې لېګ برېک بالر امېت مِشرا وکړ، هغه د چینای لوبډلې درې وېکټې وغورځولې.

او درېیم هیټریک د افریقا مکایا این ټیني وکړ، چې هغه د کلکتې درې وېکټې سر په سر سوځولې وې.

۲۰۰۹ کې هیټریکونه

په دې کال کې روهېټ شرما له ډګن چارجرز لوبډلې سره لوبېده، چې د ممبيي لوبډلې پر وړاندې یې په توپ اچونه کې هیټریک وکړ.

یوراج سېنګ هم چې یو توپوهونکی دی، په دې کال کې یې د بنګلور لوبډلې پر وړاندې هیټریک وکړ.

۲۰۱۰ کې هیټریک

۲۰۱۰ کې پراوین کومار چې د هندوستان میډیم یا منځنی توپ اچوونکی و او د سوېنګ پاچا بلل کېده هیټریک وکړ.

نوموړی دا مهال د بنګلور لوبډلې په ګټه لوبېده او د راجستان پر وړاندې یې هیټریک وکړ.

۲۰۱۱ کې هیټریک

۲۰۱۱ کې امیت مِشرا یو ځل بیا هیټریک وکړ، هغه دا ځل د پنجاب پر وړاندې هیټریک وکړ او له چارجرز لوبډلې سره لوبېده.

اجېت چنډیلا او ۲۰۱۲ کې هیټریک

نوموړی له پونه لوبډلې سره لوبېده او د راجستان لوبډلې درې لوبغاړي یې په پرله پسې ډول وسوځول.

۲۰۱۳ کې د سونېل نرېن هیټریک

۲۰۱۳ کې سونېل نرېن او امېت مِشرا دواړو هیټریکونه وکړل.

امېت مِشرا د حیدراباد لوبډلې درې وېکټې غورځولې وې او دا یې درېیم ځل هیټریک و، چې په آی پي اېل کې یې ترسره کړ او ده دا هیټریک د رسنیو د سر ټکی ګرځېدلی و.

همدې کال کې د ویسټ انډیز سونېل نرېن هم د پنجاب پر وړاندې د کلکتې په ګټه هیټریک وکړ.

۲۰۱۴ کې د شېن واټسن او پراوین ټمبی هیټریکونه

د راجستان لیګ برېک بالر پراوین ټمبی د کلکتې پر وړاندې درې وېکټې سر په سر واخیستې او شېن واټسن د راجستان لوبډلې په ګټه د حیدراباد لوبډلې درې وېکټې وغورځولې.

۲۰۱۶ کې د اکسر پټېل هیټریک

اکسر پټېل په دې کال کې درې وېکټې واخیستې او د ګوجرات لاینز څلور لوبغاړي یې وسوځول.

۲۰۱۷ کې هیټریکونه

د ویسټ انډیز لېګ برېک سمیول بدري د بنګلور لوبډلې په ګټه څلور وېکټې په پرله پسې ډول واخیستې.

انډریو ټای چې د اسټرالیا منځنی سرعت توپ اچوونکی دی، د رایزینګ پونه سوپر جاینټس لپاره لوبه کې د ګوجرات لاینز درې وېکټې وسوځولې.

او جایدُف اوناد کت چې د رایزینګ پونه سوپرجاینټس بالر و، د حیدر اباد پر وړاندې لوبه کې هیټریک وکړ.

۲۰۱۹ کې هیټریکونه

دې کال کې د پنجاب لوبډلې بالر سام کورن د ډیلي پر وړاندې لوبه کې هیټریک وکړ.

ورپسې شریاس ګوپل د راجستان لپاره د بنګلور پر وړاندې هیټریک وکړ.

وروستي مطالب