مارچ 8, 2021

په شل اوریزو لوبو کې د لوړو هدفونو پوره کول.

Advertisements

د شل اوریزو لوبو په لړ کې زیاتو لوبډلو داسې چاره ترسره کړې، چې لوړ ټارګېټونه یې وړاندې کړي دي.
د دغو لوبډلو په لړ کې یو ستر ټارګېټ د افغان لوبډلې هم دی، چې ایریلېنډ ته یې ۲۷۸ منډې هدف ورکړی و او دا هدف یو له سترو نړیوالو هدفونو څخه دی.
د افغانستان او ایرلېنډ ترمنځ لوبه د ۲۰۱۹ م کال د فبروري په ۲۳ مه نېټه شوې وه، چې افغانستان په ۸۱ منډو ګټلې وه.
خو د نړۍ نورو لوبډلو هم لوړ هدفونه ایښي؛ چې مقابلو لوبډلو ورڅخه پوره کړي دي او خپلې سیالې لوبډلې یې په ډېر شاندار انداز ماتې کړي دي.
په ۲۰۱۵ م کال کې ویسټ انډیز د سویلي افریقا خلاف ۲۳۲ منډې هدف په بریالیتوب پوره کړی و او سویلي افریقا ته یې د افریقا په سېنټورین سیمه کې ماته ورکړې وه.
۲۰۱۶ م کال کې انګلستان د هندوستان خلاف لوبه کې چې ممبيي ښار کې ترسره شوه، ۲۳۰ منډې هدف پوره کړ او هند ته یې ماته ورکړه.

۲۰۵ منډې هدف په ۲۰۱۵ م کال کې اسټرالیا له سویلي افریقا پوره کړ.
د ۲۰۲۰ م کال د فبروري میاشت کې انګلستان د سویلي افریقا ۲۲۳ منډې هدف د پنځه وېکټو په لوېدو سره پوره کړ او افریقا ته یې په ۵ وېکټو ماته ورکړه.
اسټرالیا په ۲۰۱۴ م کال کې د نیوزیلېنډ په اکلېنډ کې د نیوزیلېنډ خلاف لوبه کې ۲۴۴ منډې هدف چېس کړ او نیوزیلېنډ ته یې ماته ورکړې وه.
په شل اوریزو رسمي لوبو کې د افریقا پر وړاندې چټکې نیمه سلیزې
۲۰۱۵ م کال کې کرېس ګېل د سویلي افریقا خلاف لوبه کې په ۱۷ توپونو نیمه سلیزه وهلې وه، ۲۰۰۹ م کال کې ډېوېډ وارنر په ۱۹ توپونو د افریقا خلاف نیمه سلیزه وهلې وه.
۲۰۱۵ م کال کې کرېس ګېل په جوهونزبورګ کې په ۲۰ توپونو د سویلي افریقا خلاف نیمه سلیزه وهلې وه او ۲۰۲۰ م کال کې ایئن مورګن د سویلي افریقا خلاف لوبه کې په ۲۱ توپونو نیمه سلیزه ووهله او د ۷ شپږیزو په وهلو سره په ۵۷ منډو ناټ اوټ ووت.
د انګلستان لپاره شل اوریزو لوبو کې د چټکو نیمه سلیزو وهونکي لوبغاړي
ایئن مورګن لومړی لوبغاړی شو، چې د انګلستان لپاره په ۲۱ توپونو نیمه سلیزه پوره کوي.
نوموړي په ۲۰۱۹ م کال کې د نیوزیلېنډ خلاف ناپیئر سیمه کې هم په ۲۱ توپونو نیمه سلیزه وهلې وه.
جاس بټلر په ۲۰۱۸ م کال کې د انګلستان په برمېنګهم سیمه کې د اسټرالیا خلاف په ۲۲ توپونو نیمه سلیزه وهلې وه.
او جېسن رای د سویلي افریقا خلاف یوه لوبه کې په ۲۰۲۰ م کال کې په ۲۲ توپونو نیمه سلیزه ووهله.
دغه لوبغاړي د انګلستانۍ لوبډلې د توپ وهنې په تاریخ کې د انګلستان لپاره چټکې نیمه سلیزې وهلي دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي