ساینس او ټیکنالوژي سرسکالو سیاست نړۍ

هند له متحده ایالاتو سره د سپوږمکۍ لاسرسي تړون ته رسېدلی

لیکنه: مهر تاج

هند د متحده ایالاتو سره د توغندیو او ډرون الوتکو فعالیت ښه کولو لپاره د سپوږمکۍ لاسرسي تړون ته نږدې شوی.

د راپورونو په حواله، دغه تړون به هند ته د چین له نظامي ځواک سره د مبارزې په موخه مختلفو هوایي او ځمکنیو معلوماتو ته لاسرسی ورکړي.

د بهرني خبري اژانس د راپور له مخې احتمال شته چې دغه تړون راتلونکې اونۍ هند ته د متحده ایالاتو د بهرنیو چارو وزیر او د دفاع وزیر د سفر په جریان کې اعلان شي. چیرې چې دوی له خپلو هندي سیالانو سره لیدنه لري.

امريکايي کمپنيو له ۲۰۱۷میلادي څخه تر اوسه پر هند د ۲۱ ميليارد ډالرو وسلې پلورلي.

د امریکا حکومت پر هند پرلهإپسې فشار راوړي چې د پوځي وسايلو د ښه استعمال لپاره د حساسو معلوماتو د تبادلې تړون ورسره لاسليک کړي.

د هند کابینې د چهارشنبې په ورځ د تړون په وروستۍ مسوده بحث وکړ.

د هندي حکومتي سرچینو په حواله، د متحده ایالاتو او هند ترمنځ له پخوا استخباراتي معلومات تبادله کېدل، په ځانګړې توګه په سیمه کې د چین فعالیتونو په اړه معلومات تبادله شوي.

د لیکوال/ لیکوالې په اړه

مهر تاج

تبصره مو ولیکئ