اپریل 11, 2021

احدي: د کرنیزو محصولاتو د صادروونکو ستونزې هواروو

Advertisements
راپور: بشر درویش

د افغانستان د کرنې سرپرست وزیر وايي، د مسوولو بنسټونو په همغږی د کرنیزو محصولاتو د صادروونکو ستونزې هواریږي.
انورالحق احدي دا خبرې د هرات صادروونکو او سوداګرو سره کتنه کې کړي دي.
د کرنې، اوبولګولو او مالدارۍ وزارت سرپرست او نوماند وزیر ډاکټرانوارالحق احدي، هرات ولایت ته پر سفر تللی دی.
په دې لیدنه کې صادروونکو او سوداګر خپلې ستونزې د کرنې وزارت له سرپرست سره شریک کړل.
یاد وزارت ویلي، د کرنیزو محصولاتو ساتنې په پار د سړوخونو کمۍ او د یادو محصولاتو د صادراتو په برخه کې خنډونه هغه ستونزې وې، چې د صادروونکو او سوداګرو له خوا پرې خبرې وشوې.

په دې لیدنه کې دکرنې وزارت سرپرست او نوماند وزیر ډاکټرانوارالحق احدي د سوداګرۍ او صنایعو په وزارت کې د خپلو همکاریو مخینې ته کتو وویل:

«اوس چې هغه د کرنې وزارت مشرتابه پرغاړه لري هلې ځلې کوي، چې له سوداګرو او د کرنیزو محصولاتو له صادروونکو سره ښه همکاري ولري.»

نوموړي د هرات سوداګرو سره په دې لیدنه کې ژمنه وکړه، چې د وضعیت په ارزونې سره هلې ځلې کوي، ترڅو د سوداګرو او د کرنیزو محصولاتو د صادروونکو ستونزې هوارې کړي.
د کرنې وزارت ویلي؛ د کرنې وزارت سرپرست هرات ولایت ته دخپل سفر په ترڅ کې، په دې ولایت کې د کرنیزو محصولاتو مدیریت د طرحې څه باندې زر ممیزخونې، د کرنیزو محصولاتو د پروسس شپږ کرښې، د شېدې ټولولو پنځه مرکزونه او د اوبولګولو یوه شبکه ګټې اخیستنې ته وسپارل.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د ګوار قوم غونډه؛ خوښ یوو چې الکترونیکي تذکرو کې مو قوم ثبت شو

لیکوال: بشر درویش - برخه : افغانستان

Advertisements ګوار قوم د الکترونیکي پېژنپاڼو په ډیټابس کې د خپل نوم ثبتونې په خوښۍ او ملاتړ غونډه وکړه. دا غونډه د کونړ ولایت سرحدونو او قبايلو چارو ریاست په تالار کې دغه جوړه شوې ... نور ولولئ