سپورټ فوټبال

د ذکورو د ليسې لوبډله وستايل سوه!

لیکنه: مدثر دعوت

ليکنه: مدثر دعوت

د ذکورو د ليسې لوبډلي د افغانستان د فوټبال د اتلانو په ليګ کي تر ښه ځليدا وروسته د هلمند د پوهني رياست له لوري وستايل سوه.

د افغانستان د اتلانو ليګ چي د ۲۰۱۹ز کال د ډسمبر په ۲۸مه پايته ورسيد چي د هرات اټک انرژۍ لوبډلي لومړی او د هلمند ليسه ذکور لوبډلي دويم مقام ترلاسه کړ.

که څه هم د پوهني رياست اړوند ليسه ذکور لوبډله د مسولينو له لوري ډيره ونه ستايل سوه او د تشويق لپاره يې ځانګړي مراسم جوړ نسوه خو د هلمند د پوهني رياست خپله لوبډله مايوسه پرينښودله.

د هلمند د پوهني رئيس داود شاه صفاري د ليسه ذکور لوبډلي ټولو لوبغاړو ته مډالونه، لباسونه، توپونه او بوټونه په ډالۍ کي ورکړه.

صفاري د لوبغاړو لپاره د ستاينغونډي په مراسمو کي د ذکور د ليسې د ټولو لوبغاړو څخه مننه وکړه او د دوی سره يې د لا ډيرو همکاريو او ملاتړ ژمني وکړې.

صفاري وويل ورزش دی چي ځوانان نيږدې کوي، روغتيا تضمينوي او د يو هيواد نوم روښانوي.

د پوهني رئيس لوبغاړو ته په اشاره وويل د دويم مقام ګټل يوازي د پوهني رياست او هلمند ته نه، بلکي د ټول زون او هيواد لپاره وياړ دی.

هيره ده نه وي چي د هلمند د فوټبال تکړه لوبغاړي اميد احمدساحل د اتلانو د ليګ د غوره لوبغاړي جايزې ګټوونکی وو.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.