د کرونا ويروس د ناروغانو لپاره د هلمند د خلکو استازي د ۳۰ بستريز روغتون مرسته وکړه.

خبريال: مدثر دعوت
په ولسي جرګې کي د هلمند ولايت دخلکو استازي عبدالرشيد عزيزي د کرونا ويروس ناروغانو د درملني لپاره خپل شخصي ۳۰ بستريز مجهز روغتون د عامي روغتيا رياست په واک کي ورکړ.
په ياد روغتون کي د اړتيا وړ ټول تجهيزات او طبي سامانونه شتون لري.
د روغتون د پرانيستلو په مراسمو کي د هلمند والي تورن جنرال محمد ياسين خان د عبدالرشيد عزيزي څخه مننه وکړه او دا اقدام يې د کرونا ويروس سره د مبارزې په برخه کي ډيره همکاري وبلله.

والي زياته کړه چي هر هيوادوال مکلف دی تر څو د کرونا ويروس د مخنيوي او د ناروغانو سره د لاسنيوي په موخه تر خپل وسه مرستي وکړي تر څو ددې نړيوالي وبا په وړاندي جګړې کي بريا ترلاسه کړو.

ياسين خان وويل په لښکرګاه ښار کي لا له وړاندي ۱۰۰ بستريز روغتون د کرونا ويروس د ناروغانو لپاره چمتو سوی چي ځيني د اړتيا وړ توکي به ډير ژر ورته رانيول سي.
د هلمند د خلکو استازي عبدالرشيد عزيزي وويل تر خپل وسه يې مخکي هم مرسته کړې او تر دې وروسته به هم د خپلو خلکو په چوپړ کي وي.

عزيزي زياته کړه که چيري اړتيا سي د ۵۰۰ بستريز روغتون لپاره به هم ودانۍ د عامي روغتيا رياست په واک کي ورکړي،تر څو د کرونا ويروس ناروغانو درمله پکښې ترسره سي.

تر دې وړاندي هم عبدالرشيد عزيزي د کرونا ويروس سره د مبارزې لپاره د دستکشو، ماسکونو، مکروب ضد مايع او نورو تجهيزاتو مرسته کړې.

هلمند کي تر اوسه د کرونا ويروس ۹ مثبتي پيښي ثبت سوي پداسي حال کي چي په تيرو دوو ورځو کي هيڅ مثبت پيښه نده ثبت سوې.

Be the first to comment

Leave a Reply

Your email address will not be published.







وروستي مطالب

عمران خان: افغانستان کې د جګړې په ختمېدو سره زموږ او د امریکا ګټې زیاتېږي

by عاقله اسد in افغانستان

پاکستان یو ځل بیا ویلي چې په افغانستان کې د خبرو له لارې د جګړو د ختمېدو ملاتړي دي. د پاکستان لومړي وزیر عمران خان واشنګټن پوسټ ته ویلي امریکا او پاکستان په افغانستان کې ... نور ولولئ