فبروري 28, 2021

هلمند سيند کلنۍ مشاعره انلاين ترسره شوه

خبريال: مدثر دعوت
د هېواد د بېلابېلو شاعرانو په ګډون د هلمند سيند مشاعره په انلاين ډول ترسره شوه.
که څه هم هر کال د زرګونو کسانو په شتون کې د هلمند سيند دوديزه مشاعره په خورا جم او جوش او شانداره ډول سره په يوه پراخه ساحه کې ترسره کېدله، خو د کرونا ويروس له کبله سږکال يوازې په يوه اطاق کې د ګوتو په شمېر کسانو په شتون کې ترسره شوه.

د هلمند د اطلاعاتو او فرهنګ رياست مسوولين وايي، د دې پرځای چې دا مشاعره هېڅ نه وای ترسره شوې، ښه مو دا وبلله چې په انلاين ډول شاعران او ليکولان خپل شعرونه او نظمونه وړاندې کړي.

د هلمند د اطلاعاتو او فرهنګ ریيس حميدالله وياړ د مشاعرې په پيل کې وويل چې د کرونا ويروس د افغانستان تر څنګ په ټوله نړۍ کې د ډېرو کارونو مخه ډب کړې او هرڅه يې نيمګړي کړي دي. همدا دليل دی چې سږ کال هلمند سيند مشاعره هم په هماغه کيفيت او معيار نشوای جوړېدلای، لکه څنګه چې د مينه‌والو او هېوادوالو غوښتنه وه، خو د دې پرځای چې بېخي مشاعره ترسره شوې نه وای، مناسبه مو وبلله چې په انلاين ډول ترسره شي.
په يادې مشاعرې کې د هلمند د لسګونو نارينه‌وو او ښځينه‌وو شاعرانو په ګډون، د بېلابېلو ولايتونو اديبانو او شاعرانو ګډون کړی وو.
د بلخ، پکتیا، کندهار، نیمروز، لوګر، لغمان، ننګرهار، خوست، پروان او فاریاب ولایتونو څخه ټولو ټولو شاعرانو، عشقي وطني، حماسي او د سولې اړوند شعرونه او نظمونه وويل چې پر فېسبوک هم په ژوندۍ بڼه نشرېدله.

شاعران خوښ وو چې د کرونا وایروس په شتون کې يې هم کلنۍ مشاعره ترسره کړه او تر هېوادوالو يې د شعر او هنر په ژبه د هېواد د مينې او ورورولۍ پيغامونه ورسول.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




ولسمشر غني د برېټانیې له لومړي وزیر سره خبرې کړې

لیکوال: عاقله اسد - برخه : افغانستان

ولسمشر غني د برېټانیې له لومړي وزیر بوریس جانسون سره ټلیفونې خبرې کړې دي. ولسمشرۍ ماڼۍ ویلي، په دغه ټلیفوني خبرو کې دواړو لورو د افغانستان او برېتانیې د اړیکو د پراختیا او سولې پروسې ... نور ولولئ