مارچ 4, 2021

هلمند: د بيرغ ملي ورځي لمانځنه او زر متره بيرغ

خبريال: مدثر دعوت
هلمند کې د ملي بيرغ ملي ورځ ولمانځل سوه.
د زمري اوومه چې د بيرغ د ملي ورځي سره برابره ده، نن په هلمند کې په شاندارو مراسمو سره ولمانځل سوه.

پدې مراسمو کي چې د هلمند د والي په ګډون، ملکي او نظامي چارواکو شتون درلودی،سرتېرو او عامو وګړو هم پکښې ګډون کړی وو.

د بيرغ د پورته کېدو تر مراسمو وړاندي د هلمند والي جنرال ياسين خان له ولسمشر محمد اشرف غني څخه مننه وکړه چې د زمري اوومه يې د ملي بيرغ ورځي ته ځانګړې کړېده،والي د بيرغ پر ارزښت او تاريخ باندي خبري وکړې،همدارنګه هغو سرتېرو ته چې د افغانستان د ملي بيرغ د ساتني او پالني لپاره شهيدان او ټپيان سوي دعا وکړه.

د بيرغ د پورته کولو تر مراسمو وروسته د لښکرګاه ښاروالۍ له لورې ۱۰۰۰ متره جوړ سوی بيرغ د ولايت مقام څخه د ځوانانو په ملتيا په لښکرګاه ښار کې وګرځول سو.

تېر کال د بيرغ ملي ورځي او د خپلواکۍ د سلمې کليزي په وياړ هم لښګرګاه ښاروالۍ زر متره بيرغونه جوړ کړي وه چې ځوانانو او مشرانو په خورا جذباتو او ولولو بدرګه کوله.

سږکال هم د هلمند تر څنګ په مرکز کابل او نورو ولايتونو کې د بيرغ ملي ورځ په خورا شاندارو مراسمو ولمانځل سوه.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




لیکوالي په ټولنه کې څه ارزښت لري؟

لیکوال: شبانه پوپلزۍ - برخه : بریا او پرمختګ

لیکوال د یوې ټولنې له پاره څه ارزښت لري او زموږ لیکوالانو تر کومه حده خپله دنده اجرا کړې؟ لیکوال هغه څوک دی، چې د یوې ټولنې د بدلون لامل ګرځي. لیکوال د خپل قلم ... نور ولولئ