فبروري 27, 2021

هلمند کې د بريښنايي تذکرو د وېش لړۍ پيل سوه.

خبريال: مدثر دعوت
تر مرکز کابل او زونونو وروسته په هلمند ولايت کې هم د بريښنايي تذکرو د وېش لړۍ پيل سوه.
د بريښنايي تذکرو د وېش په پرانيستغونډه کې چې د هلمند ولايت مقام د عبدالباري جهاني په تالار کې ترسره سوه،د هلمند والي،مرستيالانو،د احصايې معلوماتو رئيس او د دولتي ادارو نورو رئيسانو او مامورينو هم ګډون کړی وو.
د احصائې او معلوماتو رئيس ولي شاه پاڅون د بريښنايي تذکرو وېش يو اړينه ملي پروسه وبلله او پدې برخه کي يې د ټولو هغو کسانو څخه مننه وکړه چې هلمند کې يې ددې بهير د پيليدو لپاره خپلي هڅي وکړې.

ولي شاه پاڅون وويل:” تر مرکز او زونونو وروسته دادی هلمندکې د بريښنايي تذکرو ويشل پيل سو چې دا د نفوس د کره شمېرو ترڅنګ د فساد مخنيوي، د جرایمو په کمښت، حج او بهرنيو هيوادونو ته د سفر اسانتيا او ګڼو نورو برخو کې رول لري”.
ښاغلي پاڅون ياران ته وويل چې د بريښنايي تذکرو د وېش لپاره ځانګړې ودانۍ جوړه سوې، نوي کارکوونکې ورته ګمارل سوي، چې د پوره چمتووالي سره به لومړی د هيوادوالو نومليکنه ترسره کوو،تر هغه وروسته به تذکرې ورته وېشو.

د هلمند والي جنرال ياسين خان هم د بريښنايي تذکرو د وېش په پيليدو سره خوښي وښودله.
ياسين خان زياته کړه” وروسته له ډېرو هلو ځلو پدې وتونېدلو چې هلمند کې د بريښنايي تذکرو يو ځانګړې څانګه پرانيزو،ولسونه بايد د خپل هويت او د نفوس د کره شميرې ثبتولو ترڅنګ د اصلي نفوس په تناسب د خپلو حقونو او امتيازاتو ترلاسه کولو لپاره د برېښنايي تذکرو ترلاسه کولو لپاره ځانګړې فورمې ترلاسه او پدې بهير کې په پراخه کچه ګډون وکړي.

ښاغلي یاسين خان وويل چې لومړی به د بريښنايي تذکرو د وېش لومړيتوب د شهيدانو او معلولينو کورنيو ته ورکول سي تر څو د هغوی د حقوقو د ورکړې پرمهال شفافيت رامنځته سي او د فساد مخنيوی وسي.

د احصايې د مالوماتو له مخې هلمند ولايت د ۱۴ لکه په شاوخوا کې نفوس لري پداسې حال کې چې د وګړو شمېر يې تر ۳ ميليونه هم لوړېږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




ولسمشر غني د برېټانیې له لومړي وزیر سره خبرې کړې

لیکوال: عاقله اسد - برخه : افغانستان

ولسمشر غني د برېټانیې له لومړي وزیر بوریس جانسون سره ټلیفونې خبرې کړې دي. ولسمشرۍ ماڼۍ ویلي، په دغه ټلیفوني خبرو کې دواړو لورو د افغانستان او برېتانیې د اړیکو د پراختیا او سولې پروسې ... نور ولولئ