هارون باچا: زما لاليه په خپل کور کښينه!

ليکنه: مدثر دعوت
د پښتو ژبي پياوړي سندرغاړي هارون باچا له خلکو غوښتي چي د کورونو را ونه وځي او د کرونا په وړاندي پوره چمتوالی ونيسي.
هارون باچا پر ټولنيزو رسنيو يو ويډيويي پيغام خپور کړی چي هدف يې له خلکو غوښتنه ده تر څو بيله اړتيا له کورونو ونه وځي او کرونا جدي ونيسي.
د باچا پيغام د څو بيتونو زمزمه ده چي پخپل خواږه ږغ کي يې ثبت کړيده.
د ويډيو په ورستيو کي هارون باچا له خپلو مينوالو غوښتي چي ځان او نورو په خاطر د کرونا په اړه جدي سئ، ځان او چاپيريال مو پاک وساتئ تر څو ددې مرګوني ويروس څخه نجات پيدا کړو.
پر ټويټر او فيسبوک د هارون باچا ددې نوښت هر کلی سوی او په سلګونو پښتنو ترې مننه کړې او دا پيغام يې د کرونا څخه د مخنيوي په اړه يو مثبت قدم بللی.
هارون باچا د افغانستان او پاکستان سربيره د نړۍ په ګوټ ګوټ کي ډير زيات پښتانه مينوال لري.
باچا پداسي حال کي د کرونا څخه د ځان ساتني پيغام خپور کړی چي په مجموع کي د پښتون قوم اکثريت وګړي دا باور لري چي کرونا ويروس دوی ته زيان نسي اړولای.
هيله ده لاندي لينک کي د هارون باچا ويډيو وګورئ:
https://m.facebook.com/story.php?story_fbid=3628356257236687&id=1347998618605807

Be the first to comment

Leave a Reply

Your email address will not be published.







وروستي مطالب