بریا او پرمختګ ژوند بڼه کرونا نړۍ

مسجدالحرام له میاشتو ځنډ وروسته د عمرې لپاره بیا پرانیستل کيږي

خبریال: فضل الله فضلي

د سعودي د حج وزارت د خبر پر اساس د عمرې لپاره حرمین شریفین یا مسجدالحرام د مسلمانانو پر مخ په درو مرحلو کي بیا پرانیستل کیږي.

حرمین شریفین به ۱۰ ورځي وروسته د راتلونکي اکټوبر میاشتي له ۴مي نېټې څخه پرانیستل سي.

لومړۍ مرحله:

د سعودي د شاهي نظام ۶۰۰۰ اوسېدونکي کولای سي، چي د ۱۴۴۲کال د صفري له ۱۷ څخه تر ۳۰ نېټې پوري د کرونا ویروس پر وړاندي د ټولو روغتیايي تدابیرو په مراعتولو سره عمره اداء کړي.

دوهمه مرحله:

پدې مرحله کي بیا هم د عرب سلطنتي نظام اوسېدونکي د ۱۴۴۲ کال د ربیع الاول میاشتي وروسته هره ورځ له ۱۵۰۰۰ تر ۴۰،۰۰۰ عمره کوونکو پوري عمره کولای سي.

ټول عمره کوونکي به روغتیايي تدابیر په نظر کي نیسي.

دریمه مرحله:

د سعودي عرب دننه او له بهر څخه ټول مسلمانان کولای سي، چي عمره، زیارت او لمونځ اداء کړي او طوافونه ترسره کړي.

د ټولو مسلمانانو څخه د ورځي له ۲۰،۰۰۰ څخه تر ۶۰،۰۰۰ پوري عمره کوونکي کولای سي، عمره اداء کړي.

دا مرحله ۳۹ ورځي وروسته د ۱۴۴۲ کال د ربیع الاول میاشتي له ۱۵ نېټې څخه وروسته پیلیږي.

ددې مراسمو د بیا پیل لپاره شرط دادئ، چي هر عمره کوونکی به د غوښتنلیک ترڅنګ د عمرې جواز ولري او دا چاره ۱۰ ورځي وروسته پیلیږي.

In pictures: Hajj pilgrims perform the evening prayer at Masjid al-Haram in  Makkah - Arabianbusiness

د سعودي د حج او عمرې وزارت بیا د مکې مکرمې په مسجدالحرام کي د کرونا ویروس ټول مرکزونه او میکانیزمونه جوړوي او عمره کوونکي له کتني او معایناتو وروسته آزاد کولای سي، مراسم اداء کړي.

د کرونا وبا په راتګ سره سعودي پر حج او عمره کوونکو بندیز ولګوئ.

څه موده بیا وروسته لسګونه ورځي طواف ودرېدئ، چي دا په تاریخ کي له لسیزو وروسته د مسلمانانو لپاره بد خبر وو.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ