افغانستان انتخابات رسنۍ سرسکالو سوله سیاست

حنیف اتمر: د موقت حکومت موضوع قطعاً نسته او لومړی پر اوربند خبري کوو

خبریال: فضل الله فضلي

د بین الافغاني مذاکراتو د پیلیدو سره سم د افغانستان د بهرنیو چارو سرپرست وزیر محمدحنیف اتمر قطر ته پر لاري رسنیو ته ویلي، چي په بین الافغاني مذاکراتو کي قطعاً د موقت حکومت موضوع نه مطرح کیږي.

نوموړي ویلي:

د موقت حکومت موضوع قطعاً نسته او لومړی موضوع د مذاکراتو داده، چي پر اصولو، وخت او ځای خبري کیږي.

ښاغلي اتمر زیاته کړه، چي ددې ترڅنګ به پر اوربند کولو هرو مرو خبري کیږي.

ښاغلی اتمر:

د مذاکراتو د ختم نېټه لا معلومه نه ده او موږ ډېر وخت لرو چي خبري وکړو، دا مسئله یوڅو ورځي وروسته معلومیږي.

همداراز اتمر وویل چي ددې مذاکراتو د کوربتوب لپاره ۱۳ هیوادونو د چین، روسيې، ایران، ترکیه، اندونیزیا او هند ترڅنګ له اروپا څخه جرمني او ناروې حکومتونو غوښتنه کړې وه.

Image

ښاغلي اتمر وویل:

انتخابات او اساسي قانون تر پښو لاندي کول او نه منل، اصلاً زموږ د ولس اراده تر پښو لاندي کول دي.

اتمر زیاته کړه، چي زموږ ملت سوله غواړي او مطلق اکثریت د ملت سوله او د نظام ساتل غواړي.

اُمید لرو، چي دداسي یو لويي اجماع څخه لویه ګټه واخلو او په سوله یې واړوو.

د افغان حکومت او طالبانو ترمنځ د بین الافغاني مذاکراتو نن لومړۍ ورځ وه، چي د قطر هیواد په مرکز دوحه کي پیل سوه.

Image

پدې مذاکراتو کي د هیواد د مصالحې شورا مشر عبدالله عبدالله، د افغان حکومت د مذاکراتي ډلي مشر معصوم ستانګزی، د طالبانو د سیاسي دفتر مرستیال ملا برادر، د طالبانو د مذاکراتي ډلي مشر عبدالحکیم، د ملګرو ملتونو استازو، د امریکا د بهرنیو چارو وزارت د وزیر ترڅنګ د دې هیواد استازو او همدارنګه د افغان پلاوي او طالب پلاوي غړو ګډون کړی وو.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ