افغانستان سپورټ کرکټ وزش او تمرین

رحمن الله ګربر د لانکا لیګ په طوفاني ډول پیل کړ.

خبریال: فضل الله فضلي

رحمن الله ګربز د سریلانکا شل اوریز لیګ (لانکا) په یو طوفاني توپ وهني سره راپیل کړ.

ګربز نن د ټنډي تسکرز لپاره د کولمبو کینګز لوبډلي پر وړاندي لومړۍ او تېزه پنځوسیزه ووهل.

نوموړي په ۲۲ توپونو ۵۳ منډي په ۲۴۰ سټرایک رېټ سره ترسره کړي، چي ۴ یې شپږیزي او ۶ یې څلوریزي ووهلې او بل افغان لوبغاړي قیس احمد وسوځاوه.

د نن لوبه د سریلانکا شل اوریز لیګ  د لومړي فصل لومړۍ لوبه ده، چي پدې لوبه کي ۴ افغان لوبغاړي لوبیږي.

رحمن الله ګربز ویکیټ ساتونکی او نوین الحق د ټسکرز لوبډلي لپاره او کریم صادق او قیس احمد د کینکز لوبډلي په ګټه لوبیږي.

د نن لوبي پچه د کینګز لوبډلي وګټل او توپ اچونه یې انتخاب کړل.

د ټسکرز لوبډلي لوبغاړو د رحمن الله ګربز په ۵۳ منډو او د لوبډلمشر پریرا په ۸۳ منډو سره د ۲۲۰ منډو هدف وټاکه او درې لوبغاړی یې وسوځېدل.

په دغه لیګ کي اووه افغان لوبغاړي لوبیږي، چي حضرت الله ځاځی، کریم خان صادق، قیس احمد، سمیع الله شینواري، رحمان الله ګربز، افتاب عالم او نوین الحق اخیستل سوي دي.

لانکا په نامه لیګ د لومړي ځل لپاره نن په سریلانکا کي د ۵ لوبډلو ترمنځ پیل سو، چي د ډیسمبر په ۱۶مه پای ته رسیږي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ