مارچ 8, 2021

‎ زنجبیل( زنجفيل ) د نړۍ معجزه يي خواړه

Advertisements

د شپنې سلګۍ ژباړه
‎پېړۍ کېږي چې په طب او اخلي پخلي کې له زنجبیل څخه ګټه اخیستل کېږي؛ زنجبیل د ويټامین اې، سي، اي، د بي د ګروپ ويټامینونو، مګنيزیم، پوتاشیم، فاسفورس، سلیکان، اوسپنې، سودیم، کلسیم او د بتاکروتنینو غوره منبع ده.
‎د خوراکی توکو د برخې متخصصین په دې عقیده دي چې زنجبیل د هاضمې سيستم د ټولو ستونزو لپاره ښه نسخه ده. په غذایي رژیم کې د زنجبیل ور زیاتول په دې معنی دي چې نور نو د معدې له هر ډول ستونزو سره مخه ښه کوئ.
‎د زنجبیل بله ځانګړنه دا ده چې په وینه کې د غذایي مواد جذب ته لاره هواروي او د هډوکو دردونه کابو کوي، وچ زنجبیل استفراق او سر ګېچي له منځه وړي.
‎د امېدوارو مېرمنو لپاره یې ګټې:
‎د زنجبیل کارول د مور په خېټه کې د ماشوم له سوی شکل، جانبي عوارضو او نورو هغو ستونزو څخه مخنیوی کوي چې مېرمنو ته د امېدوارۍ په وخت کې پیدا کېږي.
‎د بدن دردونه او التهاب له منځه وړي:
‎زنجبیل د بدن د التهاب د له منځه وړو لپاره تر ټولو ګټوره پېژندل شوی خوراکی توکی دی.
‎څېړنو ښودلې ده چې په زنجبیل کې شته عوامل او عناصر د یوه مسکن درمل په توګه موثر تمامېږي. که د هډوکو له دردونو کړېږئ د زنجبیل کارول یې تر ټولو ښه او اسانه لار ده، د سر، ملا، عضلو او مفصلونو دردونه په اسانۍ سره له منځه وړي.
‎زنجبیل مو له سرطانه ژغوري
‎د زنجبیل رېښې د انتي اکسیدانو تر ټولو ښه سرچینه ده.
‎څېړنو ښودلې چې زنجبیل د هغه سلولونو د ودې مخه نیسي چې په لویه کولمی کې د سرطان د جوړېدو لامل ګرځي، پر دې سربېره د تیو، سږو، پوستکي، پانکراس او پروستات سرطان مخه هم نیسي.
د بدن دفاعي سيستم پیاوړی کوي
‎په ورځني ډول د زنجبیل کارول مو د بدن دفاعي سيستم پیاوړی کوي او د ژمي په یخو شپو کې مو له ذکام او انفولانزا څخه هم ژغوري.
‎خوړو ته مو خوند وربښي
‎له هغې ورځې چې د زنجبیل خوند کشف شوی د هر چا د پخلنځي مېلمه شوی او د خوړو د خوند د لا زیاتوالي لپاره یې کاروي. له زنجبیل څخه په هر ډول خوړو کې ګټه اخیستی شي، د خوړو خوند ښه کوي او د وزن په کمېدو کې در سره مرسته کوي. نباتات پېژندونکي وایي هره کورنۍ باید د ورځې په اوږدو کې په خپل عذایي رژیم کې لږ تر لږه ۴۰ ګرامه زنجبیل وکاروي.
‎زرګونه کلونه کېږي چې له زنجبیل څخه د جنسي قوت لپاره هم ګټه اخیستل کېږي.
نوټ : که څوک د ځګر فعاله ستونزه [ ناروغي] ولري باید زنجبیل سره احتیاط وشئ .

فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ