Advertisements
خواړه روغه سټه

د ښکلا لپاره د غوزانو ګټې

لیکنه: شپنه سلګۍ

ژباړه: شپنه سلګۍ

غوزان ډېر زیات انتي اکسیدان، پروتین، ضروري غوړ اسیدونه، کاربوهایدریت، ويټامينونه او معدني ويټامينونه لري.

غوزان ځکه د مازغه خواړه ګڼل کېږي چې امګا ۳ غوړ اسیدونه په کې شته. دغه اسیدونه د مازغو کاري وړتیا زیاتوي.

د سلامتیا لپاره د غوزانو ګټې په لاندې ډول یادولای شو:

۱- د پوستکو او ويښتانو ښه ساتل

۲- د زړه ښه کار کول

۳- د هډوکو د سلامت ساتل

۴- د ميتابوليزم ښه کول او د وزن مدیریت کول

۵- د دیابت یا شکرې کنټرولول

۶- له سرطان څخه مخنیوي کول

د پوستکو او وېښتانو لپاره د غوزانو ګټې:

۱- غوزان د فیبر په لرلو سره په بدن کې د وینې جریان تقویه کوي. همدارنګه پوستکي ته د اړتیا وړ مغذي موادو په رسولو سره د پوستکو د سلامت پاتې کېدلو سبب کېږي.

۲- غوزان له سالم او ګټور غوړ لکه امګا ۳ څخه برخمن دي، چې د پوستکو د ځلا، سلامتیا او ځوان پاتې کېدلو سبب ګرځي. غوزان د پوستکي په نرم ساتلو سره د پوستکي منځته د بیلابېلو زهرياتو د ننوتو او نفوذ کولو مخنیوی کوي.

۳- غوزان د یوې غذايي مادې په توګه د زخم د ځای ځایګي د له منځه وړلو لپاره ګټور دي. د غوزانو په منظم ډول خوړلو سره د پروتينونو د جوړیدو لپاره چې ستاسو د پوستکو جوړوونکي اجزا دي، لازم مواد برابرېږي. دغه ترکیبونه ډېر ژر ټپونه ښه کوي او د زخم ځای له منځه وړي.

۴- له غوزانو څخه ګټه اخیستل د پوستي زیانونو د رامنځته کېدو مخنیوی کوي. ځکه چې غوزان د هغو انتي اکسیدانونو لرونکي دي چې هغه ازاد رادیکالونه چې د پوستکي اصلي دښمنان دي، له منځه وړي. که چېرته پوستکی قوي او مقاوم وي، ازاد رادیکالونه یعنې ګرد و خاوره، د هوا ککړتیا او حتی د UV مضرې اشعې نه شي کولای چې پرې منفي اغېز ولري.

۵- د غوزانو خوړل د پوستکي د ټينګېدو او ځوان پاتې کېدو سبب کېږي. غوزان زیات پتاسیم لري، چې د مایعاتو له راټولېدو، پړسوب او د پوستکي د سستيدو، چې د سوډيم له ډيرې کارونې راپیدا کېږي، مخنیوی کوي.

۶-غوزان ډېر زیات ويټامين بي او ويټامين E لري چې د سترټرس له کنټرولولو سره د پوستکي له چروکیو(خیرنتوب) مخنیوی کوي او د صورت د پوستکي د ځوان پاتې کېدلو سبب ګرځي.

۷- غوزان د پتاسیم، امګا۳، امګا۶ او د امګا۹ د غوړ اسیدونو ښه سرچينه ګڼل کېږي چې د ويښتانو د فولیکولونو د غښتلي کولو سبب ګرځي او د ويښتانو له ودې سره مرسته کوي.

Advertisements

د لیکوال/ لیکوالې په اړه

شپنه سلګۍ