مارچ 2, 2021

افغان ولسمشر له څلور کلونو وروسته پاکستاني چارواکو سره خبرو ته زړه ښه کړ

پاکستان ته د افغان ولسمشر د سفر هر کلي ګن شمېر مخالفتونه راولاړ کړي چې ډېری يې د حکومت د مخالفينو له لوري دي، دوی وايې ولسمشر سره د پروتوکول پر خلاف عمل شوی او دا چلند يې ولسمشر ته يو ډول سپکاوی ګڼلی، د ستراتيژيکو اړيکو د اصولو له مخې کوربه هيواد ته د نورو بهرنيو هيوادونو د سفر پر مهال بايد سيال او د مقابل لوري له موقف سره برابر کس هرکلي ته ورشي خو پاکستان حکومت دا اصل تر پښو لاندې کړ. خو په دې برخه کې د مخالفتونو تر څنګ د ملاتړ غږونه هم اورېدل کيږي چې دا ډله بيا د تشريفاتو د ضعف خبره حاشيې ته کوي او د سفر پر مهمو اړخونو تاکيد کوي چې د افغانستان لپاره ګټور تماميږي.

افغان ولسمشر ته پاکستان ته په رسیدو د سوداګرۍ په چارو کې د پاکستان لومړي وزیر سلاکار ښاغلي داود هرکلی ووایه.

ولسمشر د سولې په تړاو د خبرو تر څنګ د افغانستان او پاکستان پر اقتصادي او سوداګريزو اړيکو هم خبرې کړي او له زيات شمېر تاجرانو او پانګوالو سره يې ليدنه کړې او هغوی ته يې په سيمه کې د سوداګرۍ او پانګه اچونې د فرصتونو په تړاو مالومات ورکړي دي.

ولسمشر محمد اشرف غني تېر ماښام د اسلام آباد ستراتيژيکو مطالعاتو په مرکز کې د خبرو پر مهال وويل، پاکستان او طالبان يو پر بل ټينګه تکيه کوي او دا په دې مانا ده چې پاکستان په افغانستان کې د سولې او ثبات په راوستلو کې مهم رول لوبولی شي.

ولسمشر په خپله وينا کې د ناستې ګډونوالو ته وويل، دی د يو خپلواک افغانستان د ولسمشر په توګه پاکستان ته تللی او ټينګار يې وکړ چې افغانستان به هيڅکله هم د بل چا استعمار و نه مني.
افغان ولسمشر پر سوداګريزو او اقتصادي موضوعاتو په تړاو خبرو کې اعلان وکړ چې له پاکستاني چارواکو سره يوې داسې هوکړې ته رسېدلی چې له مخې به يې ډېر ژر د تورخم ګمرک ۲۴ ساعته کار پيل کړي.

د سوداګریزو لوبو ۵ موخې

لیکوال: سپورټ یاران - برخه : سپورټ

له افغانستان نیولې تر پاکستان، هندوستان، بنګله دېش، سریلانکا، عربي متحده امارات، اسټرالیا، انګلستان، سویلي افریقا، امریکا، ویسټ انډیز او کاناډا سوداګریز لیګونه لري او د نړۍ له مختلفو هېوادونو نړیوال لوبغاړي اخلي او لوبوي ... نور ولولئ