اپریل 13, 2021

د غني اعتراف: روغتیايي برخه کې جدي ستونزې لرو، ۳ میاشتو کې اقدام کوو

Advertisements

راپور: بشر درویش
افغان ولسمشر محمد اشرف غني د ویډیو کنفرانس له لارې په امریکا او اروپا کې میشتو یو شمېر افغان روغتیایي متخصصینو سره د کرونا ویروس لومړۍ څپې څخه د زده شویو درسونو، او ددغه ویروس دویمې څپې پر ضد د مقابلې په اړه خبرې وکړې.
ولسمشرۍ ماڼۍ وايي، دا خبرې پرون ماښام شوي دي.

په دغه ویډیو کنفرانس کې چې د جمهوررئیس لومړي مرستیال امرالله صالح، د عامې روغتیا وزیر ډاکټر احمدجواد عثماني او نورو مسوولینو هم ګډون درلود.
ښاغلي غني د یاد پریزنټېشن د مننې پرمهال وویل:

«زموږ یو اساسي لومړیتوب دا دی چې خپل روغتیايي سکتور په پښو ودروو او د کرونا ویروس دویمې څپې سره د مبارزې استعجالیت ته په پام خپلې هڅې منسجمې کړو. موږ غواړو څه ډول مخته ولاړ شو چې خپل ملي روغتیایي سیستم پر داسې ستراتېژۍ او موخو مجهز کړو، ترڅو په دې برخه کې د خلکو اړتیاوو ته ځواب ویونکی اوسي.»

نوموړي عامې روغتیا وزارت څخه د خپلې وروستۍ ارزونې په اړه د معلوماتو پر مهال وویل، په تېره یوه اوونۍ کې مې د ویډیو کنفرانس له لارې د عامې روغتیا وزارت مسوولینو او د ۱۹ روغتونونو او ټولو ولایتونو د روغتیا رئیسانو، د نړیوال او اسیا پراختیایي بانکونو، نړیوال روغتیایي سازمان او یونیسف ادارې استازو سره ۷ غونډې لرلي دي.

ده وړاندې ویلي:

«په یادو غونډو کې زما موندنې دا دي چې متاسفانه د ټولو هڅو باوجود زموږ په روغتیایي سکتور کې جدي ننګونې موجودې دي او باید حللارې یې ولټول شي. د برنامو مدیریت او د روغتیایي خدمتونو وړاندې کول له ننګونې سره مخ دی، د اکسیجن کمبود، د کرونا ټيسټ ظرفیت ټیټوالی چې په شپه او ورځ کې تر لس زرو پورې پلان شوی وو، د کرونا ویروس د واکسین ساتنې لپاره د زېربناو نشتوالی سره له دې چې په دوه پړاوونو کې مو د ۲۰ نه تر ۴۰ سلنه واکسین برابرولو لپاره د بین المللي ټولنې مرستې ترلاسه کړې، عمده ستونزې دي.»

افغان ولسمشر وايي، د ترسره شویو اروزنو په رڼا کې به په راتلونکو ۳ میاشتو کې د خپلو ملي روغتیايي برنامو د دوباره انسجام په برخه کې چې زموږ عمده موخې دي، اقدام وکړو.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

د ناروغ پوښتنه اسلامي کړنه او د ناروغ پر روغتیا ښه اغېز لري

لیکوال: صدیقه پوپلزۍ، کابل - برخه : ټولنیز ژوند

Advertisements ليکنه او راټولونه اسلامي اخلاق او قوانین او په اسلام کې د الله تعالی د عبادت لپاره لارښوونې او د اسلام عقیدوي مفاهیم دا ټول د یو ټولنیز هیکل په جوړښت، او د مینې ... نور ولولئ