هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
ژوند او ژواک

باجوه به افغان چارواکو ته ووايي چې د هر څه پړه پر پاکستان مه اچوئ

پاکستاني رسنۍ وايي، ددې هیواد د پوځ مشر جنرال قمر جاوید باجوه، د افغان ولسمشر اشرف غني هغه بلنه منلې چې نوموړې ته یې د جدي خبرو اترو لپاره کابل ته د سفر په اړه ورکړې.

پاکستاني رسنۍ وايي، قمر جاوید باجوه په دې نیت افغانستان ته سفر کوي چې د افغانستان له خوا پر پاکستان د ترهګرۍ د ملاتړ پرلپسې تورونه پای ته ورسوي ”او افغان چارواکو ته به ووايي چې پر پاکستان د خپلو ناکامیو پړه اچول بس کړئ. “

پاکستانۍ ایکسپریس ټربیون ورځپاڼې کې خپور شوی یو راپور زیاتوي چې د پاکستان د پوځ مشر به افغان چارواکو ته ووايي، هیواد یې هیڅ ترهګرې ډلې ته په خپلې خاورې کې ځای نه ورکوي او نه یې ملاتړ کوي.

*******

د عبدالله په مشرۍ د کابینې غونډو ته وزیران نه ورځي
سترګې مو رپیږي؟ د بد خبر انتظار مه کوئ، چاره یې وکړئ
وین ډیزل د ډپیکا او رنویر مینه رسوا کړه
متحده ایالات د ارام سمندر له ترانزیټي تړون ووتل

*******

ایکسپریس ټربیون وايي، قمر جاوید باجوه همدا خبره د امریکا د پوځ عمومي قومندان جوسیف ووټل ته هم تیره اونۍ په یوه لیدنه کې چې د افغانستان او پاکستان تر منځ په اړیکو متمرکزه وه کړې ده .

پاکستاني رسنۍ په داسې مهال دا خبرې کوي چې په کابل، کندهار او هلمند کې د وروستیو خونړیو بریدونو وروسته ولسمشر اشرف غني په یو ټیلفوني تماس کې د پاکستان د پوځ مشر باجوه ته ویلي وو، ددې بریدونو پلانونکي په پاکستان کې ازادنه فعالیتونه کوي او پر ضد یې هیڅ ډول اقدام نه دی شوی.

راپورونه وايي، د پاکستان د پوځ نوی مشر جنرال جاوید قمر باجوه د افغانستان په اړه د امریکا د نوي ولسمشر ډونالډ ترمپ د پالیسۍ څرګندیدو ته منتظر دی چې افغانستان ته سفر وکړي.

افغان چارواکي پاکستان او ایران د وسلوالو طالبانو ملاتړي هیوادونه ګڼي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */