مارچ 7, 2021

افغانستان کې د غنمو پر یو شمېر ډولونو څېړنې شوې

Advertisements

راپور: بشر درویش
د کندهار د کرنې، اوبولګولو او مالدارۍ ریاست وایي، چې ددې ریاست د مسلکي او فني کارکوونکو له خوا د کوهکران په څېړنیز فارم کې د غنمو پر یوشمېر ډولونو، چې په کې مورني، هستوي او تجربوي تخمونه شامل دي څېړنې شوي دي.
د کندهار دکرنې، اوبولګولو او مالدارۍ ریاست وایي، چې په دې څېړنه کې د غنمو شپږ ډولونه (ورایټۍ) چې په کې چونټ ۱، شیشم باغ، مقاوم۰۹، للمي ۲، مزار۹۹ او کابل ۰۱۳ شامل دي تر څېړنې لاندې نیول شوي دي.

د څیړنو موخه

افغان کرنې وزارت یوه خبرپاڼه کې زیاته کړې؛ ددغو څېړنو پایلې د کرنې له کارپوهانو، متخصصینو او بزګرو سره شریکیږي، ترڅو په راتلونکي کې د غنمو د ښه او ډېر تولید په پار کوټلي ګامونه واخیستل شي.
یاد وزارت ویلي؛ ددې ترڅنګ په دې څېړنیز فارم کې بزګرو، ځمکوالو، د کرنې پوهنځی او د کرنې د انسټیټوټ زده کړیالانو ته هم د کرکېلي په بېلابېلو برخو کې د عملي او نظري زده کړې زمینه برابره شوې ده.

د څړنیزو پروګرامو هڅې

خبرپاڼه کې ویل شوي؛ د کندهار دکرنې، اوبولګولو او مالدارۍ ریاست هلې ځلې کوي، چې په دې ولایت کې د کرنې، مالدارۍ او بڼوالۍ د ودې په پار څېړنیز پروګرامونه پلي کړي.
ویل شوي؛ ددې ادارې د پلان پر بنسټ د کوهکران په څېړنیز فارم کې د حبوباتو، سبو او مېوو پر تخمونو او ددې ترڅنګ د بڼونو داصلاح، ترویج او تکثیر په پار بېلابېل څېړنیز پروګرامونه ترلاس لاندې نیول شوي دي، ترڅو د بزګرانو او بڼوالو د پوهې کچه لوړ او د قناعت وړ حاصل او عاید تر لاسه شي.

باید وویل شي، چې د کرنې سکټور په برخه کې څېړنې د پرمختګ عمده لامل ګڼل کیږي، دا ځکه چې ډېری کرنیزې ټکنالوژۍ د څېړنیو په پایله کې پراختیا مومي، چې پایله یې د کرنیزو محصولاتو زیاتوالی ده.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




نادري: د امریکا نوي وړاندیزونه تر بحث لاندې دي

لیکوال: عاقله اسد - برخه : افغانستان

Advertisements افغان مذاکراتي پلاوی وایي د امریکا نوي وړاندیزونه تر بحث او څېړنو لاندې دي. د افغان حکومت د مذاکراتي پلاوي غړي نادر نادري تازه په خپلو څرګندونو کې دا تایید کړې چې خلیلزاد ورسره ... نور ولولئ