اتمر: افغانستان لپاره د المان مخکینی سفیر د افغانانو ملګری دی

راپور: بشر درویش
د افغانستان د بهرنیو چارو وزارت سرپرست وزیر، محمد حنیف اتمر په کابل کې مېشت د آلمان فدرال جمهوریت سفیر، پېتر پروګل سره د مخه ښه ویلو په موخه ولیدل.
د بهرنیو چارو وزارت یوه خبرپاڼه کې ویلي؛ د دې ښاغلي اتمر، سفیر پروګل ته په افغانستان کې د سفیر په توګه په بریالیتوب سره د ماموریت د بشپړولو په پار مبارکي وړاندې کړه، نوموړي لپاره یې د لا بریاوو هیله وکړه.
خبرپاڼه زیاتوي؛ حنیف اتمر افغانستان کې د ښاغلي پروګل د ماموریت په دوره کې یې د هغه له کارونو څخه په ځانګړې توګه چې په تېر کال کې یې د بین الافغاني دیالوگ د تنظیمولو په برخه کې کړي وو، ستاینه وکړه.
ښاغلي اتمر، هغه د افغانستان اسلامي جمهوریت د خلکو ملګری او دوست یاد کړی دی.

د اروپايي اتحادیې ستاینه

یاد وزارت ویلي؛ اتمر د افغانستان د سولې بهیر ته په اشارې سره، د افغانستان له خلکو څخه د ملاتړ لپاره د اروپایي ټولنې (اتحادیې) د شورا له بې ساري اعلامې هرکلی او ستاینه وکړه.

له حنیف اتمر سره د پېتر پروګل د مخه ښې ناسته

په دې ناسته کې ښاغلي پروګل په افغانستان کې د خپل ماموریت په دوره کې د المان سفارت سره د افغانستان د بهرنیو چارو وزارت د دوامداره ملاتړ او همکارۍ څخه مننه کړې ده.
د افغانستان د بهرنیو چارو وزیر له المان هیواد مننه کړې چې د کویډ ۱۹ ناروغۍ ضد مبارزه، بیلایبلو نورو برخو کې یې مرسته کړې او اوس مهال د افغانستان د سولې د بهیر پرمخ بیولو کې مرسته کوي.

المان او د افغان سولې کوربتوب

المان هغه هیواد دی چې پر افغانستان د امریکا په مشرۍ د نړیوالې ټولنې تر برید او د طالبانو نظام له ړنګولو وروسته په افغانستان کې د نوي نظام د جوړولو کوربتوب یې درلود.
د افغانستان لپاره د نوي نظام د موقتې دورې لپاره لومړي بنسټ ایښودو راټولیدنه د یاد هیواد په بن ښار کې ترسره شوې ده، ځکه نو تر ډیره په رسنیو کې د (بن کنفرانس) نوم ډیر اوریدل کیږي او بیلابیلو مسایلو ته یې د اساس په توګه یادوي.
اوس ویل کیږي چې د افغانستان د حکومت او طالبانو ترمنځ د کیدونکو بین الافغاني خبرو د کوربتوب لپاره شاید المان وټاکل شي.
تازه د افغانستان د سولې په چارو کې د دولت وزارت ویلي چې بین الافغاني خبرې به احتمالاً جرمني، قطر، اردن او یو شمیر نور هیوادونه یاد شوي چې په یو له دې هیوادونو کې به ترسره شي.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




په هلمند کې تازه جګړو له ۹۰۰زیاتې کورنۍ بې کوره کړي

لیکوال: ياران، جلال اباد - برخه : افغانستان

لیکنه: ظریف الله ساحل د هلمند د کډوالو او راستنېدونکو چارو رئیس وايي’ له تېرې یکشنبې د تازه جګړو له کبله په سلګونو کورنۍ د هلمند بېلابېلو برخو ته کډه شوي دي. سید محمد رامین ... نور ولولئ