ځوانان او زده کړې ژوند بڼه کلتور او هنر

د پوستکي یو متخصص نارینه و ته د ږیرې پرېښودو سپارښتنه کوي

ملیحه ناصري

په روسیه کې د پوستکي او ویښتو یوه متخصص نارینه‌وو ته د ږیرې/ برېتو د پرېښودو اړوند غږیدلی دی.

د روسي ورځپاڼې( ارګومېنټي اي فاکټي) لیکلي: طبي علومو ته نوماند او د پوستکي/ ویښتانو متخصص ناتالیا کوزلوا وايي چې ږیره او برېت پوستکی د لمر له ( مضرو وړانګو) ساتي او د پوستکي پر سرطان د اخته کېدو کچه راټيټوي.

سربېره پر دې د مخ ويښتان د دې لامل کېږي چې طبیعي غوړ پوستکی تازه او نم‌لرونکی وساتي.

دې روغیتاپال دا هم وویل چې پوستکی له حساسیته خوندي کوي؛ ځکه چې ږیره/برېت د تحریکوونکو توکو پر وړاندې د فلټر په توګه کار کوي.

کوزلوا وویل چې ږیره/برېت لرونکي کسان پل/پاکي لږ کاروي؛ نو پوستکی یې کم زیانمن کېږي.

ږیره او تر هغې لاندې ځمکه باید سوتره وساتل شي، ګنې د باکټریانو د ودې ځای به ترې جوړ شي چې کېدی شي د پوستکي د ناروغیو لامل وګرځي.

باید وویل شي چې له دې وړاندې هم د ږیرې پریښودو په اړه بیلابیلو څیړنو کې ویل شوي چې ږیره لرونکو خلکو د مخ پوستکی نرم او پاسته حالت کې ساتل کیږي.

 

 

 

د لیکوال/ لیکوالې په اړه

ملیحه ناصري

ملیحه ناصري د کابل پوهنتون د ژبو او ادبیاتو د پوهنځي پښتو څانګه لوستې. پر ادبي، کلتوري او ټولنیزو مسلو د یاران میډیا لپاره لیکنې کوي. دلته د ملیحه ناصري د خپروشویو لیکنو د بیا خپراوي حق یاران میډیا سره خوندي دی.

تبصره مو ولیکئ