ټولنیز ژوند رسنۍ سرسکالو له نړۍ نړۍ

مسلمانانو د اسلام پر وړاندي د فرانسې د ولسمشر بد چلند غندلی

خبریال: فضل الله فضلي

په نړۍ کي د مسلمانانو مشرانو او اسلامي ډلو د اسلام دین پر وړاندي د فرانسې او د فرانسې د ولسمشر ایمانویل مکرون خبري او بد چلند غندلی او د لا ډېرو لاریونونو خبر یې ورکړئ دئ.

د فرانسې ولسمشر مکرون د محمد (ص) د کارټون ملاتړ کړی او د هغه ښوونکي چي دا کارټونونه یې زده کوونکو ته ښودل، وژل یې غندلي دي.

د نوموړي ددې کړني په غبرګون کي په نړۍ کي مسلمانان د مکرون د خبرو پر وړاندي راپورته سوي او سخت غبرګونونه یې ښودلي دي.

The spat between France and Turkey has drawn in world leaders as people in Muslim-majority countries organise street protests, including in Idlib, Syria [Muhammed Abdullah/Anadolu Agency]

د ترکيې ولسمشر رجب طیب اردوغان د فرانسې ولسمشر لیونی بللی او ویلي یې دي، چي مکرون دماغي توازن له لاسه ورکړئ دئ.

اردوغان دا خبره په دوو ورځو کي دوه ځلي په ترکیې کي د فرانسې سفیر ته کړې ده.

د تېري جمعې ورځي راهیسي په ټولنیزو رسنیو کي د نړۍ له لویدیځ څخه تر ختیځه پوري هېوادونو کي د مکرون په اړه انتقادونه روان دي، چي په هغو کي بریتانیا، کویټ، قطر، فلسطین، مصر، الجزایر، اردن، سعودي عربستان او ترکیه شامل دي.

په اروپا کي بیا مسلمانانو د فرانسې د ډېرو برخو څخه پرېکون (بایکاټ) اعلان کړی او له اروپايي هیوادونو یې غوښتي چي د فرانسوي سامانونو او خدماتو څخه دي استفاده نه کوي.

د رواني اکټوبر میاشتي پر ۱۶ نېټه د جمعې په ورځ د سمویل فاټې په نامه یو ۴۷ کلن ښوونکی، چي په ښوونځی کي د محمد (ص) د کارټون په اړه خبري کولې، د یوه مسلمان ځوان لخوا ووژل سو.

پر هغه برید ۱۸ کلن عبدالله وکړ او د چاقو په واسطه یې سر ځني غوڅ کړ.

لدې پېښي وروسته په فرانسه کي د ښوونکو سخت غبرګونونه را وپارېدل او بلاخره یې ولسمشر مکرون د فاټې د کارټون ملاتړ وکړ.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ