هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
روغه سټه

سړي هوا هم په افغانستان کې وژنې پیل کړې

د جوزجان د درزاب ولسوال رحمت الله حشر د پنجشنبې په ورځ رسنیو ته ویلي، چې دغلته سړې او کنګل هوا په تیرو څو ورځو کې ۲۷ ماشومان وژلي .

حشر خبري رسنیو ته ویلي، د سختې واورې د وریدو له کبله ځینو کلیو ته تللې لارې تړل شوي او روغتیايي مرکزونو ته د خلکو د رسیدو مخه یې نیولې ده .

په ځینو راپورونو کې دغلته د سړې هوا له کبله د مړو شویو ماشومان شمیر ۳۰ تنه ښودل شوی.

د نوموړې په وینا په ځینو سیمو کې تر نیم متر زیاته واوره شوې او د کلیوالو د سفر مخه یې ډب کړې ده.

د درزاب ولسوالۍ دې چارواکي ویلي د سختې واورې او سړې هوا سربیره، ددې ولسوالۍ په ځینو سیمو کې د وسلوالو طالبانو فعالیت هم ددې سبب شوی چې خلک په سختو شرایطو کې و اوسي او روغتیايي مرستې ور ونه رسیږي.

په داسې حال کې چې په مرکز کابل کې د طبیعي پېښو سره د مبارزې اداره او نورې دولتې ادارې تل په دا ډول ستونزمنو شرایطو کې خلکو ته پر وخت د رسیدو وړتیا نه لري، نړیوالې مرستندویه ټولنې هم په افغانستان کې د بشري ناورین په وړاندې ځان بې وسه ښيي.

ملګرو ملتونو په دې وروستیو کې د ۵۵۰ میلونو ډالرو غوښتنه کړې څو په افغانستان کې په ۲۰۱۷ م کال کې اړو خلکو ته مرستې ورسولی شي.

سړې هوا د افغانستان په ګڼو نورو سیمو کې هم خلک په ځانګړې توګه بې ځایه شوي کډوال زپلي او د یو شمیر ماشومانو او عمر خوړلو د مرګ سبب شوي ، خو دا چې ولایتي ادارې د سروي او ارزونې دقیق سیستم نه لري ، کره شمیرې معلومول یې ممکن نه دي .

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */