ټولنیز ژوند ځوانان او زده کړې ژوند بڼه ساینس او ټیکنالوژي

څنګه د خپلې فېسبوکپاڼې فالورز ډېرولای شو؟

نننۍ نړۍ د رسنيو، خصوصاً د ټولنيزو رسنيو نړۍ ده.‌ هرڅوک غواړي په ټولنيزو رسنيو کې فعال و اوسي او د خلکو پاملرنه راجلب کړي. هره ډول بنسټ، اداره يا کار او بار چې څوک پيلوي، نو رسنۍ او په ځانګړي ډول ټولنيزې رسنۍ يې د کاري پلان اساسي برخه جوړوي.

هر شخص او هره اداره په پيل کې د دې په هڅو کې وي چې څنګه وشي کولی د خپلو ټولنيزو رسنيو او په ځانګړي ډول د فېسبوکپاڼې لايکونه او فالورز ډېر کړي.‌ په همدې هکله په يوټيوب چينل کې بې شمېره لارښودي ويډیوګانې جوړې شوې دي،‌ د همدې برخې متخصصينو ډول ډول مقالې ليکلي او حتی په هکله يې کتابونه هم ليکل شوي دي.

زه به تاسې سره دلته د دې موضوع په هکله څو لنډې لارښوونې او خپل تجربې شريکې کړم چې په عملي کولو سره يې کولی شئ په اسانۍ سره او په کمه موده کې د خپلې فېسبوکپاڼې فالورز ډېر کړئ:

۱- د خپلې فيسبوکپاڼې لپاره اعلانات وکړئ؛‌

۲- خلک وهڅوئ او بلنه ورکړئ چې پاڼه لايک کړي؛

۳- داسې مطالب جوړ کړئ چې د خلکو د پاملرنې وړ وي او خوښ يې کړي؛

۴- د فېسبوکپاڼې ان باکس ته راغلي پيغامونه ژر ژر ځواب کړئ؛

۵- د کاپي رايټ اصولو ته ژمن و اوسئ؛

۶- هڅه وکړئ چې پر فېسبوکپاڼه باندې لایو خپرونې ولرئ؛

۷- د نفوذ لرونکو کسانو سره همکاري او پارټینرشيپ وکړئ؛‌

۸- نورې پاڼې او اشخاص په خپلو مطالبو کې ټېګ کړئ او همدارنګه هڅه وکړي چې نورې پاڼې او خلک تاسې په خپلو مطالبو کې ټېګ کړي؛‌

۹- د خپلو فعاليتونو د پوسټ لپاره اتوماتیک سيستمونه وکاروئ؛‌

۱۰- د خپلې فېسبوکپاڼې د خپرونو د څرنګوالي په اړه له خلکو پوښتنې وکړئ؛

۱۱- په خپل وېبسايټ کې د خپلو ټولنیزو رسنيو لينکونه اضافه کړئ؛

۱۲- هڅه وکړئ چې خپرونې مو يو اړخيزې نه وي او ډول ډول مطالب خپاره کړئ؛

۱۳- د مناسبتي ورځو لپاره ځانګړي نشرات ولرئ؛

۱۴- د خپلې ټولنې د غوښتنې مطابق مطالب خپاره کړئ؛

۱۵- هشټګونه وکاروئ؛

۱۶- د خپلې فېسبوکپاڼې د لايکونو لپاره خلکو ته ځينې ډالۍ په پام کې ونيسئ؛

۱۷- د فېسبوکپاڼې نوم او يوزز نوم مو بايد جذاب او زړه راښکونکی وي؛

۱۸- معياري او کره انځورونه او ويډیوګانې خپرې کړئ؛

۱۹- د خلکو په ژبه مطالب خپاره کړئ؛‌

۲۰- مطالب مو بايد په زړه‌پورې او معلوماتي وي.‌

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی

تبصره مو ولیکئ