سپورټ فوټبال وزش او تمرین

انګلستان کې نندارچیان د فوټبال لوبې لیدلو ته راګرځېدلې + انځورونه

لیکنه: محمدصابر حمیدي

په انګلستان کې د فوټبال سیالیو لیدلو ته نندارچیان نور کولای شی، چې لوبغالي ته ورشي او د فوټبال سیالۍ له نژدې وګوري.

دوو انګلستانۍ لوبډلو چلسي او برایټون یو د بل په وړاندې فالمر لوبغالي کې دوستانه سیالي لرله، چې یاده لوبه چلسي ۱ ګول پر ۰ وګټله او بریا یې خپله کړه.

یادي لوبې ته محدود شمېر مینوال راغلي وه او د فاصلې په مراعتولو سره یې د چلسي او برایټون لوبه له نژدې وکتله.

دا مینوال وروسته له هغه لوبغالي ته ورځي، چې له تېرو څو میاشتو راهیسي د نورو هیوادونو ترڅنګ په انګلستان کې هم د فوټبال سیالۍ د بندو دروازو تر شا (د مینوالو پرته) ترسره کېدلې.

له کله چې کرونا ویروس په ټوله نړۍ کې خپور شو، لومړی د فوټبال سیالۍ ودرېدې، چې وروسته بیرته په لوبغالي کې د مینوالو پرته پيل شوې او اوس بیا داسي اټکل کیږي، چې د فوټبال نوي پيلېدونکي پړاونه به د مینوالو په شتون کې پيل شي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ