سپورټ فوټبال

فوټبال: نن بارسلونا او ریال ماډریډ دواړه لوبي لري

د اسپانیا هیواد لالیګا لیګ د ۱۲مي اونۍ په لوبو کي د نړۍ دوې قوي لوبډلي بارسلونا او ریال ماډریډ دواړه په یاد لیګ کي لوبي لري.

بارسلونا د لوانتې په وړاندي او ریال ماډریډ بیا د ریال بیټیس فوټبال ټیم په وړاندي میدان ته کښته کیږي.

د بارسلونا او لوانتې لوبډلو ترمنځ ننۍ لوبه ماښام د کابل په وخت اوه نیمي بجې پېلیږي.

23191360-fbl-esp-liga-barcelona-sevilla.jpeg

دا لوبه د لوانتې لوبډلي په کوربتوب کوتات ډي والینسیا په نوم یوه لوبغالي کي ترسره کیږي، چي په زرګونه مینوال ځایوي.

د ریال ماډریډ او ریال بیټس ټیمونو ترمنځ ننۍ لوبه بیا ماخستن دولس نیمي بجې د ریال ماډریډ په کورني لوبغالي سانتیاګو برنباوو کي ترسره کیږي، چي یاد لوبغالی هم په زرګونه مینوال ځایوي.

2_real_madrid_live_stream.jpg

د اسپانیا هیواد د یاد لیګ په نورو لوبو کي نن ماپښين څلور نیمي بجې اسپانیول د والینسیا په وړاندي او ماخستن لس بجې بیا سویا د اتلاتیک ماډریډ فوټبال ټيم په وړاندي لوبیږي.

د یاد لیګ په تیرو ترسره سوو ۱۱ اونیو کي اوس تر ټولو بارسلونا لوبډله مخکي ده.

بارسلونا د ۲۲ نمرو په درلودلو سره لومړی ځای، ریال ماډریډ د ۲۱ نمرو په درلودلو سره دوهم ځای او ګراناډا بیا د ۲۰ نمرو په درلودلو سره درېیم ځای لري.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.