ليکنه: مدثر دعوت
د هندوستان مشهور سندرغاړی عدنان سميع د نوي کال په لومړۍ ورځ خپلو پښتو مينوالو ته په پښتو ژبه سندره وړاندي کوي.
عدنان سميع نن پر خپل رسمي ټويټر اکاونټ ليکلي چي د لومړي ځل د پاره به پښتو سندره وايي.
نوموړی ليکي:” ډير خوشحاله يم چي د نوروز په ورځ خپله لومړنۍ سندره وړاندي کوم،موږ به د ( تو ياد آيا ) سندره په پښتو ژبي د مارچ په شلمه خپره کړو”
عدنان سميع د ټويټ په وروستيو کي په انګليسي تورو د ( او کنه) پښتو جمله هم ليکلې ده.
عدنان سميع چي کومه سندره په پښتو ژبه وايي مطلع به يې ( بيا بيا را ياديږي ) وي.
همدارنګه عدنان سميع په يوه بل ټويټ کي ليکلي چي د نوروز په ورځ به يوه فارسي سندره هم ريليز کړي چي ( به يادم استي) به يې مطلع وي.
ددې سندري شعر به د پښتو ژبي د مشهور شاعر پرهيز شګيوال وي چي ډير شعرونه يې لطيف ننګرهاري ويلي.
عدنان سميع د باليووډ لپاره ډيري زياتي سندري ويلي او دا يې لومړنی ځل دی چي پښتو سندره وايي.
تبصره مو ولیکئ