افغان لوبغاړی فضل‌حق د پنجاب لوبډلې سره یوځای کیږي

لیکنه: محمدصابرحمیدي

افغان کرکټ بورډ وايي، چې د ۱۹کلنې ملې لوبډلې ځوان لوبغاړی فضل‌حق به د هندوستان په آی پي ایل سیالیو کې د ګډونوالې لوبډلې کینګز الیون پنجاب لوبډلې سره یوځای سي.
بورډ وايي، چې هغه د یادې لوبډلې سره دوه اونیزه تمریناتي کمپ ته غوره شوی او په موخه یې متحده عربي امارتو ته روان شوی.
د بورډ په خبره، چې فضل‌حق د هندوستان غوره لیګ ۱۳م پړاو سیالیو په موخه د چمتوالي ۲۹ ورځني  تمریناتي کمپ ته غوره شوی، چې د توپ‌اچونکو(Net Bowler) رول به اداء کړي.

خپله فضل‌حق له هندي رسنیو سره په خبرو کې ویلې، چې د یادې نامتو لوبډلې سره تمرینونه کول به یې پر وړتیا ډېر مثبت تاثیر وکړي.
هغه، چې ډېره خوښي وښودله وايي، له نامتو لوبغاړو سره به یوځای تمرینونه ترسره کړي.
د کینګز الیون پنجاب لوبډلې یو شمېر لوبغاړي هم تازه متحده عربي اماراتو ته ولاړه، چې د هند آی پي ایل سیالیو ته د چمتوالي په موخه تمرینات ترسره کړي.
په یاده لوبډله کې د ملې لوبډلې بل نامتو لوبغاړی مجیب‌ځدران هم شتون لري.

Be the first to comment

Leave a Reply

Your email address will not be published.