افغانستان اقتصاد

فراه کې د خرماوو ۱۰۰ جریبه بڼ؛ ۲ زره کیلو حاصل ورکوي

لیکنه: بشر درویش
خبر: بشر درویش

د فراه ولایت د خرماوو ونې، سږکال نږدې دوه زره کیلو حاصل ورکوي.

د افغانستان د کرنې وزارت یوه خبرپاڼه کې ویلي؛ دغه بڼ د فراه ولایت د کرنې ریاست له خوا او د «الغرافه» موسسې په همکارۍ، نږدې شپږ کال مخکې جوړه شوې ده.

سرچینه زیاتوي؛ دغه بڼ، د یو څېړنیز فارم بڼه لري، چې ددې ګران بیې مېوې د څېړنې او توافق په موخه په دې ولایت کې جوړه شوې ده.

ددې بڼ پراخوالی نږدې ۱۰۰ جریبه ځمکه ده.

د یاد وزارت خپره شوې خبرپاڼه کې وړاندې ویل شوي؛ ټاکل شوې، چې سږکال به هم په دې بڼ کې د خرماوو سلګونه ونې کېنول شي.

په همدې حال کې خصوصي سکټور هم په ۲۷ جریبه ځمکه کې د خرماوو بڼ جوړوي.

باید وویل شي چې له دې د ننګرهار ولایت د خرما په حاصلاتو کې د پام وړ زیاتوالي او حاصل خبر ورکړل شوی وو.

 

د لیکوال/ لیکوالې په اړه

بشر درویش

بشر درویش د یاران د کاري ټیم غړی دی، چې پر بیلابیلو مسلو د یاران لپاره راپورونه او مطالب چمتو کوي

تبصره مو ولیکئ