هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

متحده عربي اماراتو پر مسلمانانو د ټرمپ د بندیز دفاع کړی

په داسې حال کې چې په امریکا، بریتانیا او نوره نړۍ کې په میلونونو خلکو د ټرمپ پر هغه بندیز سخت اعتراض کړی چې دې هیواد ته یې د اوو مسلمان میشتو هیوادونو د وګړو پر ورتګ لګولی، د عربي متحده اماراتو د بهرنیو چارو وزیر د ټرمپ دفاع ته رادانګلي دي.

د متحده عربي اماراتو د بهرنیو چارو وزیر ویلي، دا بندیز پر کوم مذهب د بندیز په معنی نه دی.

د امریکا ولسمشر ډونالډ ټرمپ د یو لانجمن فرمان له لاسیک وروسته، امریکا ته له ایران، سوریې، سومالیا، یمن، سوډان او لبیا څخه چې ټول مسلمان میشتي هیوادونه دې د وګړو په هر ډول سفر موقت بندیز لګولی. همدارنګه یې د سوریې او نورو کډوالو ورتلل هم بند کړي دي.

خو د عربي متحده اماراتو د بهرنیو چارو وزیر عبدالله بن زید- النهیان چې ددې اسلامي هیواد تر ټولو لوړ پوړی ډیپلومات دی ، د چارشبې په ورځ یې د ټرمپ ددې بندیز سخته دفاع کړي.

نوموړې وویل چې ټول مسلمانان او اسلامي هیوادونه په دې بندیز کې نه دي شامل. د عبدالله بن زید- النهیان په وینا هغه هیوادونه چې بندیز پرې لګیدلی ستونزې لری او باید خپلې ستونزې هوارې کړي.

نوموړې د روسیې د بهرنیو چارو له وزیر سرګي لاوروف سره په ابوظبۍ کې یو ګډې خبري غونډې ته وویل:

” خلک وايي چې په دې بندیز کې د یو مشخص مذهب خلک نښه شوي. خو ثابته ده چې دا خبرې سمې نه دي خپله د امریکا اداره هم وايي چې دا سمه نه ده او ددې پریکړه هدف د یو مذهب پیروان ( مسلمانان) نه دي. “

د ټرمپ دا بندیز چې یوه اونۍ مخکې یې د تیرې جمعې په ورځ لاسلیک کړ ددې سبب شوی چې یو شمیر کورنۍ وویشل شي او لسګونه کسان د امریکا په هوايي ډګرونو کې ساعتونو لپاره ونیول شي.

د نړۍ د بیلابیلو هیوادونو سیاستوالو، بشري ادارو ، ملګرو ملتونو او د اروپا او امریکا عامو خلکو دا بندیز وغانده، لاریونونه یې وکړل، خو د خلیج د بډایو هیوادونو شیخانو نه یوازې دا چې دا بندیز ونه غانده بلکې ستاینه او پلوي یې د ډیرو لپاره په نړۍ کې حیرانونکي ده.

عربي متحده امارات، سعودي عربستان، قطر او بحرین په دودیزه توګه د امریکا نژدې متحدان ګڼل کیږي او په د ټرمپ په دې بندیز کې دا هیوادونه نه دي شامل.

د عربي متحده اماراتو د بهرینو چارو د وزیر تر دې ملاتړ مخکې د دوبۍ د پولیسو مشر ضاهي خلفان د دوشنبې په ورځ به یو ټویټ کې وویل:

” د ټرمپ له خوا ( د اوو اسلامي هیوادونو پر وګړو) د بندیز بشپړ ملاتړ کوو. هر هیواد د خپل امنیت د ساتلو حق لري. ټرمپ! هغه څه چې ته یې کوې بیخي سم دی.“

خو اروپايي هیوادونه او ملګري ملتونه بیا داسې نه و. د اروپايي ټولنې مشرانو د ټرمپ دا بندیز وغانده او ملګرو ملتونو د بشري حقونو خلاف وباله. په امریکا کې لسګونه زره خلک هوايي ډګرونو ته راووتل او د هغو مسلمانانو په ملاتړ یې مظاهرې وکړې چې د ټرمپ د بندیز له کبله اغیزمن شوي دي .

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */