سپورټ کرکټ وزش او تمرین

انګلستان او پاکستان هیوادونه نن شل اوریزه لوبې پیلوي

لیکنه: محمدصابر حمیدي

انګلستان او پاکستان کرکټ ملې لوبډلې د انګلستان په کوربتوب تر ټیسټ سیالیو وروسته د دریو شل اوریزه سیالیو لړۍ نن ماخستن ۹:۳۰ بجې پیلوي.

دا دوه هیوادونه لومړنۍ شل اوریزه لوبه نن په منچسټر ښار کي کوي.

ټاکل شوې انګلستان او پاکستان کرکټ ملې لوبډلې دوهمه شل اوریزه لوبه راتلونکې یکشنبه او درېیمه شل اوریزه لوبه بیا راتلونکې سې شنبه ترسره کړې.

دې دوو هیوادونو تازه کېدونکو شل اوریزه لوبو ته د پوره چمتوالي خبر ورکړی.

ټیسټ لوبې

تر شل اوریزه سیالیو مخکې انګلستان او پاکستان کرکټ ملې لوبډلو د دریو ټیسټ سیالیو لړۍ درلوده، چې هغه کوربه انګلستان وګټله.

لومړۍ ټیسټ لوبه په دریو ویکیټو انګلستان وګټله، خو دوهمه او درېیمه ټيسټ لوبه بیا د باران له امله لغوه شوې او په دې سره انګلستان ۱ پر ۰ یاده لړۍ کې بریالی شو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ