سپورټ کرکټ وزش او تمرین

د انګلستان او پاکستان ترمنځ شل اوریزه لړۍ مساوي پای ته ورسېده

لیکنه: محمدصابر حمیدي

د انګلستان او پاکستان کرکټ ملې لوبډلو ترمنځ تر ټیسټ سیالیو وروسته د دریو شل اوریزه سیالیو لړۍ ترسره شوه، چې یو ـ یو مساوي پای ته ورسېده.

د دې دوو هیوادونو ترمنځ لومړۍ شل اوریزه لوبه د باران له امله لغوه شوه، خو دویمه کوربه انګلستان او درېیمه بیا پرون ماخستن پاکستان وګټله.

په پرونۍ لوبه کې لومړی پاکستان توپوهنه وکړه، چې په ټاکلو ۲۰ اورونو کي يې د ۴ لوبغاړو په سوځېدو سره انګلستان ته د ۱۹۱ منډو هدف وټاکه.

د پاکستان لپاره محمدحافظ ۸۶ او حیدرعلي بیا ۵۴ منډې جوړې کړې.

کله چي انګلستانۍ لوبډله د هدف پوره کولو لپاره میدان ته کښته شوه، نو د لوبې په ټاکلو اورونو کې يې د ۸ لوبغاړو په سوځېدو سره ۱۸۵ منډې جوړې کړې او په دې سره یې د پاکستان څخه په ۵ منډو ماته وخوړه.

انګلستان ته معین علي ۶۱ او بینټو بیا ۴۶ منډې جوړې کړې.

انګلستان او پاکستان لوبډلو تر دې مخکې د دریو ټیسټ سیالیو لړۍ ترسره کړه، چې هغه دوې د باران له امله لغوه سوې، خو یوه لوبه بیا انګلستان وګټله.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ