سپورټ کرکټ وزش او تمرین

د انګلستان او سویلي افریقا ترمنځ لومړۍ شل اوریزه لوبه!


لیکنه: محمدصابر حمیدي
انګلستان کرکټ ملي لوبډلي د سویلي افریقا کرکټ ملي لوبډلي ته ماته ورکړه.

د انګلستان او سويلي افريقا کرکټ ملي لوبډلو تر منځ د انګلستان په کوربتوب د درې شل اوريزو سیاليو د لړۍ څخه یې په لومړۍ لوبه کي انګلستان په پنځو ویکټو سویلي افریقا ته ماته ورکړه.

لومړی توپوهنه سویلي افریقا وکړه، چي په ټاکلو شلو آورونو کي یې د شپږو لوبغاړو په سوځېدو سره انګلستان ته د ۱۷۹ منډو هدف وټاکی.

سویلي افریقا ته پاف ډوپلېسیس ۵۸, هینډریک ۳۷ او ډیکوک بیا ۳۰ منډي جوړي کړې.

انګلستانۍ لوبډلي ته سومیل کورن درې لوبغاړي، خو جوفرا آرچر، ټوماسکرن او کريس جورډن بیا یوه یوه ویکیټه واخیستله.

کله چي د انګلستان کرکټ ملي لوبډله د هدف پوره کولو لپاره میدان ته کښته سوه، نو ورکړل سوی هدف یې د لوبي په ۱۹،۲ اورونو کي د ۵ لوبغاړو په سوځېدو سره پوره کړ.

د انګلستان لپاره جانتن بریسټو ۸۶ ناسوځېدلي، سټوکس ۳۷ او ډیویډ میلان بیا ۱۹ منډي جوړي کړې.

دا دوه هیوادونه د سریز دویمه لوبه سبا یکشنبه او درېیمه لوبه بیا راتلونکې سې شنبه ترسره کوي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ