سپورټ کرکټ

د شهید الیاس داعي په نوم د کرکټ لوبي جوړیږي

لیکنه: محمدصابر حمیدي

ټاکل سوې راتلونکې پنجشنبه هلمند ولایت کي د شهید محمد الیاس داعي په نوم د کرکټ سیالۍ پیل سي.

د دې سیالیو مسوولین وایي، دا پنځویشت آوریزه لوبي د پنځو لوبډلو ترمنځ دي، چي راتلونکې پنجشنبه په هلمند کي د بيان د ازادۍ قرباني شهيد محمد الياس داعي په نوم پيليږي.

لښکرګاه ښاروالي، ډاکټر عبدالرازق، سباوون راډيو ټلويزيون، روحاني کرکټ اکاډمي او اراکوزيا پوهنتون کرکټ لوبډلي هغه پنځه ټیمونه دي، چي په دې سیالیو کي به ولوبیږي.

د ټورنمینټ ترتیبوونکی ګل آغا نويد وایي، دوی د شهيد محمد الياس داعي د قربانۍ او هلمند کرکټ لوبغالی د نوموړي په نوم کېدو په موخه دغه سيالۍ کوي.

په هلمند کي د ازادي راډیو خبریال محمد الیاس داعي یوه میاشت وړاندي پر موټر د نښلول سوي چسپکي ماین چاودني له امله ووژل سو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ