بریا او پرمختګ ساینس او ټیکنالوژي

د هلمند والي: هر څوک چې بريښنايي تذکره ونلري، دولتي بست ته ازموينه نسي ورکولای!

لیکنه: مدثر دعوت

خبريال: مدثر دعوت

د هلمند والي تورن جنرال ياسين خان وايي هغه څوک چې بريښنايي تذکره ونلري دولتي بست ته ازموينه نسي ورکولای.

ياسين خان نن په هلمند کې د بريښنايي پيژندپاڼو د وېش د لرۍ په پرانيستغونډه کې پر دې ټينګار وکړ چې تر راتلونکې يوې مياشتي پوري ټول مامورين بايد اکترونيکي تذکرې ترلاسه کړي او له هلمنديانو يې غوښتنه وکړه چې خپل ځانونو او کورنيو ته هم تذکرې واخلي.

ياسين خان وايي، له یوې میاشتي وروسته هیڅ یو کس د برېښنایې تذکرې پرته دولتي بستونو ته نوم لیکنه نسي کولای، پدې برخه کي یې د بشري منابعو او اداري اصلاحاتو ریاستونو ته جدي سپارښتني هم وکړې.

د هلمند د احصائې او معلوماتو رئيس ولي شاه پاڅون وويل چې ددې ادارې ټول کارکوونکي مسلکي دي او روزنه ورکول سوې،دده په خبره ټېم يې د بريښنايي تذکرو د وېش لپاره پوره چمتوالی لري.

د مراسمو په وروستيو کې هغه کسانو او اداري رئيسانو ته چې الکترونکي تذکرې ورته جوړي سوي وې،وويشل سوې.

په جنوب زون کې تر کندهار وروسته هلمند دويم ولايت دی چې د بريښنايي پېژندپاڼو د وېش بهير پکښې پيليږي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ