افغانستان اقتصاد ځوانان او زده کړې د افغانستان پوهنتونونه سرسکالو کرونا

د پوهنتونو د رخصتېدو سره سم، د محصلینو غبرګونونه را پورته سوي

خبریال: فضل الله فضلي

د افغان حکومت د کابینې د نوي پرېکړي له مخي د هیواد ټول پوهنتونونه د ۳ نیمو میاشتو لپاره رخصت اعلان سول.

تېره چهارشنبه کابینې پرېکړه وکړه، چي د کرونا د دوهمي څپې په راتګ سره دي د هیواد ټول دولتي او خصوصي پوهنتونونه رخصت اعلان سي.

د یادي غونډي پرېکړه نن (شنبه) نشر سوه، چي د پرېکړي له مخي د رواني قوس میاشتي له ۸ نېټې څخه بیا د حوت میاشتي تر ۱۵ پوري به د هیواد ټول تحصيلی مراکز رخصت وي.

همداراز د لوړو زده کړو وزارت هم دا خبر تائید کړی او د رخصتي خبرتیا یې خپره کړې ده.

د پوهنتونونو تر رخصتېدو وړاندي د پوهني وزارت هم د هیواد په سړو سیمو کي د رخصتۍ اعلان کړی او ددې ترڅنګ په هیواد کي د واده صالونونه هم بند اعلان سول.

په افغانستان کي به ښوونځي او پوهنتونونه درې مياشتي نور هم تړلي وي | افغانستان | DW | 08.06.2020

په ټولنیزو رسنیو کي د کابینې دا پرېکړه په پراخه کچه غندل سوې او محصلینو پر حکومت نیوکي کړي، چي دا یې د لوړو زده کړو د شاته پاته کېدو سبب کیږي.

د یادي پرېکړي په مقابل کي، محصلینو پر ټولنیزو رسنیو د (پوهنتونونه مه رختصوئ) شعارونه پیل کړي دي.

د کرونا ویروس په راتګ سره په هیواد کي پر ټولو ټولنیزو کاروبارونو سخت محدودیتونه لګول سوي وه، چي خلګو ته په میلیونونو افغانیو زیانونه واوښتل.

دا مهال په هیواد کي خلګ له اقتصادي حالته کړیږي، د دوی په وینا چي دا ډول بندیزونه به لا نور زیانونه ورته واورسوي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ