امریکايي سپیانو خپل خاوند په بشپړ ډول خوړلی

د اسپوټينګ ورزشي سایټ د خبر او واشنګټن پًسټ د راپور له مخي له څېړنو او ټیسټونو وروسته دا ثابته سوه، چي ۱۸ سپیانو خپل خاوند په پوره ډول خوړلی او هیڅ نښانه ئې نده پرې ایښې.
۵۷ کلن مک د آمریکا په تکزاس ایالت کي د نورو خلګو څخه لیري ژوند کاوه او دا ئې تر نورو ښه بلله، چي د خپلو سپیانو سره ژوند وکړي.
په هرو دوو اونیو کي هغه ته نژدې دوستان د ده لیدلو ته ورتلل او هغه ئې پلورنځیو ته بېوه، خو وروسته یو ورځ چي دوی ورغلل، هغه ورک سوی او هیڅ نښه نښانه ئې نه ده پاته سوې.
پولیسو د سپیانو په مرسته د هغه د پيداکولو هڅه وکړه، خو هغه ئې نکړ پيدا.
وروسته پولیسو یوه کوچنۍ ټوټه د سپیانو د اوسېدو په ځای کي پیداکړه او وروسته ئې څیړني پيل کړې، چي معلومه سوه یادو سپيانو خپل خاوند د لباسه سره خوړلی.
د پولیسو رئيس رسنیو ته وویل، چي موږ هیڅ باور نه کاوه، چي سپيان دي په دې ډول یو کار وکړي او خپل خاوند دي په مکمل ډول وخوري.
دا پيښه د روان ۲۰۱۹م کال د اپرېل په میاشت کی رامنځ ته سوې او پولیسو خپلي څېړني په مې میاشت کي بشپړي کړې.