د هندي سینما تکړه او تجربه کار ستوری عامرخان او د پخوانې ښکلې فلم لوبغاړې مادهوري دکشت شریک مشهور فلم (دل) راتلوونکې برخې یا د دغه فلم دویمې برخې د جوړولو لپاره چمتوالی پیل شوی.
دا فلم د هغه وخت ډېر لیدونکي لرل او د هماغه وخت مینوالو ته په پام سره فلم جوړونکو داسې پرېکړه کړې چې د دغه فلم بله برخه هم جوړه کړي.
په ۹۰مه لسیزه کې د سینما پر پرده دا فلم نندارې ته وړاندې شوی و چې مینوالو په دغه فلم کې د مادهوري او عامر خان جوړه ډېره خوښه کړې وه.
یاد فلم د دواړو اوسنیو مشهورو فلمي ستورو د فلمي ژوند لپاره ځکه مهم و چې په کې یې خپل شهرت څو چنده کړ، اوس د دغه رومانوي فلم د بلې برخې د جوړولو لپاره تیاریانې پيل شوي دي.
ایکسپریس نیوز د هندوستاني رسنیو په حواله لیکلي چې مشهور فلم لارښود اندرا کمار ویلي چې یې د دل فلم د راتلونکې برخې په جوړولو لا له وړاندې فکر کړی وه.
د رپوټ له مخې، اوس یې د فلم لپاره ډېر ښه سکرپټ برابر کړی او د راتلوونکي فلم نوم به یې(دل اګین) وي.
اندرا کمار ویلي چې په بشپړ ډول به د فلم د سکرپټ د پوره کولو وروسته د فلم د مرکزي کردار لپاره هم ممثیلین غوره شي.
د یادولو ده چې د اندرا کمار په لارښوونه یو بل جوړ شوی فلم ټوټال دهمال هم د روانې فبرورۍ میاشتې په ۲۲ نېټه د سینما په پردو روښانه شي.
د دغه فلم ټریلر په ټولنیزو رسنیو کې د فلم د مینوالو تر منځ لاس په لاس کیږي او اټکل داسې دی چې ښه لیدونکي به ولري.
د نړۍ دغو ۱۵ هېوادونو ته تګ ازاد، خو بېرته راتګ منع دی!
که څه هم د يوه کال راهيسي د کورونایې شرایطو لپاره د نړۍ ډېرو هېوادونو ته تګ راتګ منع شوی دی او خلک نه شي کولای چې په اسانۍ سره له يوه هېواد نه بل ... نور ولولئ
