د سل سلیزو پاچا غوره توپ اچوونکی هم و

یاران سپورټس
د هندوستان نامتو توپ‌وهونکي سچېن ټېنډولکر د ټایمز اف انډیا ورځپاڼې سره په مرکه ویلي، چې ده د هندوستان لپاره داسې توپ اچونه کړې، چې د نورو لوبډلو ملا یې ماته کړې او لوبې یې ورته ګټلي او یا یې هم مساوي کړي دي.
دا چې ټېنډولکر سل سلیزې هم وهلې، خو د دې سربېره یې د هندوستان لپاره په ټېسټ او یو ورځنیو لوبو کې ۲۰۰ وېکټې هم اخیستې دي.
ټېنډولکر د چینای ایالت په ایم ار ایف کرکټ بالېنګ اکاډُمي کې توپ اچونه زده کړې وه او د هندوستان لپاره د یو ښه توپ‌وهونکي سربېره یو ښه اف سپېن او لېګ سپېن بالر هم و.
د ټېنډولکر د توپ اچونې کارنامې
په ۱۹۹۱م کې یې د ویسټ انډیز خلاف درې اړخیزه لوبلړۍ کې له ۱۲۶ منډو دفاع وکړه، دا یو ورځنۍ لوبه وه، چې ټېنډولکر ته د هندوستان د بالر محمد ازهرالدین لخوا یو څلوېښتم اوور ورکړل شو.
ټېنډولکر د خپل اوور په وروستي توپ د ویسټ انډیز وروستۍ وېکټ انډرسن کمېنس وسوځاوه او لوبه یې مساوي یا ټای کړه.
۱۹۹۳ م کال کې د سویلي افریقا خلاف کلکته کې غوره توپ اچونه د هیرو کپ په نامه د نړیوال جام نیمه پایلوبه کې ټېنډولکر د سویلي افریقا کې وروستۍ وېکټ ولړزوله او لوبه یې وګټله. هندوستان ۱۹۵ منډې کړې وې او افریقا ۱۹۳ منډې کړې وې، چې وروستۍ وېکټ یې ولاړه وه.   ټېنډولکر د مک مېلان په نامه د افریقا توپ وهونکي وېکټ واخېسته او په ۱۹۴ منډو کې یې افریقا محدوده کړه او افریقا ته یې په یوه منډه ماته ورکړه.
۱۹۹۸ م کال کې یې د اسټرالیا خلاف د ۳۲ منډو په ورکولو سره ۵ وېکټې اخېستل بله هغه توپ اچونه وه، چې ټېنډولکر پرې هندوستان ته د اسټرالیا خلاف په ۴۱ منډو بری ورکړ.
۲۰۰۵م کې یې د پاکستان خلاف کارنامه
د اپرېل په ۲ یمه نېته ۲۰۰۵ م کال کې یې د پاکستان خلاف د ۵۰ منډو په ورکولو سره ۵ وېکټې واخیستې او پاکستان ته یې په ۸۷ منډو ماته ورکړه.
ایا تاسو د ټېنډولکر وړتیا منئ؟

Be the first to comment

Leave a Reply

Your email address will not be published.







وروستي مطالب