اپریل 21, 2021

د هیواد د کلتور ژوندي ساتلو لپاره باید دې ۲۱ ټکو ته پام وکړو

راځئ چې خپل ځان او راتلونکي نسل لپاره داسې کلتوري کړنې تر سره کړو تر څو د نړۍ د یو کلتور لرونکي هېواد او ټولنې په توګه یاد شو او خپلو ټولو کړنو او اصولو ته ټینګه پاملرنه وکړو، د کلتوري کیدو لپاره لنډه لاره، د علم او معرفت تر لاسه کول، مطالعه او کورنۍ تربیه بنسټیز رول لوبي.

دلته ځینې کړنې د کلتور د معنا او مفهوم د پوهېدو له پاره یادوم خو په دې لیکنه کې ټولې کلتوري کړنې نه دي نغښتې، کیدی شي تاسو یې هم پکې ور زیاتې کړئ.

1- کلتور یعنی، د چا له اجازې پرته د هغوی انځور یا فلم نه اخستل.

2- کلتور یعني، په ټولنیزو شبکو کې د مقابل لوري درناوی کول او له بدو خبرو ډډه کول.

3- کلتور یعنی، کله چې په یوه موضوع نه پوهیږئ باید له ځان څخه جامع الاکمالات جوړ نه کړئ او د مقابل لوري نظر ته درناوی وکړئ.

4- کلتور یعنی، د چا معاش او میاشتني حقوق په تاسو پورې اړه نه لري، او له یو کس څخه د هغه د معاش په اړه پوښتل عیب دی او دا کار مه تر سره کوئ.

5- کلتور یعنی، کله چې یو څوک به موبایل کی کوم انځور یا بل شی در ښکاروي؛ نو د هغوي نور عکسونه او فایلونه نه کتل.

6- کلتور یعنی، د چا په لهجه پورې نه خندل.

7- کلتور یعنی، چې ځان ته اجازه ورنه کړئ تر څو د نورو په شخصیت کې خبرې وکړئ او د هغوی په ویښتانو، جامو، چاغوالي او ډنګرتوب نېوکه وکړې.

8- کلتور یعنی، کله چې د یو چا له کور څخه بهر کیږئ؛ نو د هغوی غیبت ونه کړئ.

9- کلتور یعنی، کله چې نوي ملګري پیدا کړئ پخواني ملګري هیر نه کړئ.

10- کلتور یعنی، کثافات او نور مواد له موتر څخه سرک یا کوڅې ته ګوزار نه کړئ.

11- کلتور یعنی، د خپل کور له بام او یا ورسۍ څخه د ګاونډی کور ته نه کتل او د هغوی تګ راتګ نه څارل.

12- کلتور یعنی، کله چې یو چا ډالۍ درکړه؛ نو د هغې د بیې پوښتنه نه کول.

13- کلتور یعنی، د ترافیکي اصولو او اشارو څخه سرغړونه کول زموږ هوښیاری نه ده، ناوخته رسیدل تر نا رسیدلو ښه دي.

14- کلتور یعنی، د یو چا په شخصي کړنو او اموراتو کې مداخله نه کول.

15- کلتور یعنی، له شیطانت او بې معنا خبرو څخه ډډه کول.

16- کلتور یعنی، د مشرانو درناوی کول او له ماشومانو سره ښه رویه کول او په هغوی شفقت کول.

17- کلتور یعنی، هیڅ وخت له بل انسان څخه ځان لوی نه ښودل او په خپلو لوړو زده کړو ځان نه ښودل.

18- کلتور یعنی، د بحث او مجلس په وخت کې د نورو نظریاتو ته درناوی کول او د هغوی خبر نه پرې کول او په نوبت خبرې کول.

19- کلتور یعنی، د نورو کسانو خبرو ته په مینه غوږ ایښودل حتی که ماشوم هم وي.

20- کلتور یعني، له ملګرو، کورنۍ او خلکو سره د ناستې په وخت کې نزاکتونه رعایتول.

21- کلتور یعنې، د کور، موتر، ځان، سرک، کوڅې او دفتر پاکوالی ته پاملرنه او د هغه مراعات کول.

د حافظې ارزښت

لیکوال: عایشه حیدري ، کابل - برخه : روانې سلامتي

کېدای شي تاسو په ژوند کې د حافظې په ارزښت پوه شئ خو موږ غواړو په دې اړه تاسو ته لږه توضیح درکړو، ځکه چې که تاسو د حافظې د ارزښت په اړه پوه شئ ... نور ولولئ