Advertisements
ټولنیز ژوند روغه سټه ژوند بڼه

ګڼه ګوڼه کې اوسیدل د سرطان خطر ډیروي

لیکنه:  سوفیا دورو

ژباړه:  ملیحه ناصري

د هوا د خرابوالي په اړه یوه څېړنه ښیي چې د عمومي سړکونو په پنځوس مټرۍ کې ژوند کول, لس سلنه د سږو پر سرطان د اخته کېدا امکان ډېروي.

دغه څېړنه چې د پینځه لسو روغتیایي او چاپېریال ساتونکو سازمانونو له خوا شوې , دا هم وایي؛ هغه ځای کې اوسېدل چې تګ راتګ او ګڼه ګوڼه پکې ډېره وي ؛ نو څورلس سلنه د ماشومانو د سږو د تکامل مخه نیسي.

د زړه او سږو د بېلابېلو ناروغیو او له کاره لوېدو لامل هم کېږي.

دغه سازمانونه وایي چې ټول دولتونه باید تر دوه زره او دېرشم کاله پورې د هوا د کیفیت په اړه سره یو شي.

د همدغو سازمانونو غړی ډاکټر راب هیوز وایي: د هوا خرابوالی واړه او زاړه ټول په ناروغیو اخته کوي؛ خو غالبا نښې یې نه رابرسېره کېږي.

د سږو برېتانیایي بنسټ مشر ډاکټر پېني ووډز داسې وایي:  ښکاري چې ورځ تر بلې به موږ تر پخوا لا ډېر , پر خپلو سږو د خرابې هوا د وحشتناکه اغېز شاهدان یو.

خرابه هوا د ماشومانو د سږو د تکامل مخنیوی کوي او هغه کسان چې لا پخوا د سږو پر ناروغیو اخته دي,  حالت یې نور هم خرابوي.

 

Advertisements

د لیکوال/ لیکوالې په اړه

ملیحه ناصري

ملیحه ناصري د کابل پوهنتون د ژبو او ادبیاتو د پوهنځي پښتو څانګه لوستې. پر ادبي، کلتوري او ټولنیزو مسلو د یاران میډیا لپاره لیکنې کوي. دلته د ملیحه ناصري د خپروشویو لیکنو د بیا خپراوي حق یاران میډیا سره خوندي دی.