کرونا او نوی وزیر؛ په هیواد کي د ویروس مثبتي پېښي تر ۱۸ زرو هم واوښتې

خبریال: فضل الله فضلي

د عامي روغتیا وزارت خبر ورکړ، چي په تېرو ۲۴ ساعتونو کي یې له ۱۰۷۹ معایناتو وروسته د کرونا ویروس ۷۸۷ مثبتي پېښي ثبت کړي دي.

پدې سره په ټول هیواد کي په ویروس د اخته سوو کسانو شمېر ۱۸۰۵۴ تنو ته ورسېدئ.
همداراز له ویروسه ۶ تنه مړه سوي او ۶۳ تنه ناروغان بیا روغ سوي دي.

په نویو ثبت سوو پېښو کي کابل ۳۲۳، هرات ۱۱۰، کندهار ۶۵، ننګرهار ۵۴، بادغیس ۴۸، خوست ۴۰، پکتیا ۳۶، بلخ ۳۴، پکتیکا ۳۲، نیمروز ۱۸، کونړ ۱۵، تخار ۸ او لوګر ولایت یوه مثبته پېښه لري.
په افغانستان کي د کرونا ویروس له امله ۳۰۰ تنه مړه سوي او ۱۵۸۵ تنه ناروغان بیا روغ سوي دي.
نن د عامي روغتیا وزارت نوي سرپرست وزیر جواد عثماني هم پخپله دنده پیل وکړ.

ښاغلي عثماني تېره ورځ د ولسمشر محمد اشرف غني په مخکي ژمنه وکړه، چې خپلو خلکو ته به خدمت کوم.
هغه کرونا ویروس سره د مبارزې په برخه کې د خپلو لومړیتوبونو، په روغتونونو کې اصلاحاتو، د روغتیایي خدمتونو د وړاندې کولو ښه والي او د خلکو اړتیاوو ته د رسېدو په برخو کې هم خبرې وکړې.
ددې اونۍ په پیل کي د یاد وزارت پخوانی وزیر فیروزالدین فیروز له پنځه کلني دندي وروسته لیري سو او نوموړي په خپله دنده کي مشکلات هم تائید کړل.

Be the first to comment

Leave a Reply

Your email address will not be published.




سریلانکا؛ د هند څخه یې سریز وګاټه، بورډ یې یولک ډالر انعام ورکړ

by محمد صابر حمیدي ، کندهار in سپورټ

هند او سریلانکا کرکټ ملې لوبډلو د سریلانکا هیواد په کوربتوب د دریو یوورځنیو او دریو شل اوریزه سیالیو لړۍ ترسره کړه، چې د یوورځنیو لوبو لړۍ هند او د شل اوریزه سیالیو لړۍ بیا ... نور ولولئ