سپورټ کرکټ لیکوالي

د کرکټ اړوند د یوې افغانې مېرمنې کتاب چاپ شو!

لیکنه: محمدصابر حمیدي

د پلوشې عمري په نامه یوې هلمندۍ مېرمنې د «کرکټ د بیټ او بال لوبه» په نامه څو میاشتې وړاندې د کرکټ اړوند کتاب لیکلی و، چې اوس تازه چاپ شوی دی.

دا کتاب چې پلوشې عمري په ۸ میاشتو کې لیکلی، کابو په ۱۳۰ پاڼو کې یې د کرکټ په اړه بېلابېلې لیکنې کړې دي.

کرکټ د بیټ او بال لوبه په نامه دې کتاب کې پلوشه عمري د کرکټ د تاریخچې، د کرکټ فارمټونو، د کرکټ اصلاحاتو، د افغانستان کرکټ، نړیوال کرکټ او د کرکټ لوبې لپاره پر مهمو وسایلو ږغېدلې ده.

څه موده وړاندې اغلې پلوشې یاران ته وویل، چې د دغه کتاب له لیکلو څخه یې موخه دا ده، چې هېوادوال د کرکټ په لوبه په سم ډول پوه شي.

د دې په خبره د کورنۍ تشویق او خپلو هڅو د کتاب لیکلو موخې ته ورسوله.

نوموړې ویلې وو چې زه يوازې د کرکټ په دې کتاب اکتفا نه کوم، غواړم د ورزش په نورو برخو کې هم مالومات راټول کړم او کتابونه پرې ولیکم.

د پلوشې په وينا افغانستان کې د ورزش په برخه کې کتابونه خورا کم دي، خو که لاسنيوی يې وشي، ورزش ته به په ليکلې بڼه تر خپله وسه خدمت وکړي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ